ياحسافه وياك تعبي ضاع وبلحظة نسيته!!!!

[الشاعر جلال البطاط]

ياحسافه وياك تعبي

ضاع وبلحظة نسيته!

ياحسافة كاس دمعي

اشكثر لميتة وجفيته!

يلي حبك حلم يقظة

وانيّ بالروح اشتريته..

ويلي طبعك من كَـزاز

وانجرح لو شابكَيتة..

ويلي حبك من سراب

وانيّ عطشان واجيتة..

يالذبحت أشعاري بيدك

واحركَت حرفي وهويته..

يالزرعتك وسط روحي

وبس دمع تالي حويته..

ترستلك جفي كَمرة

وانته بجفوفك طفيتة..

ثاري دربك من ضباب

وانيّ ما ادري ومشيته!

لا تظن عطشانة روحي

وبس نبع مايك رويته؟

ولا تِحَسب هذا كَلبي

ينتهي لو فاركَيتة؟

روح عني ما أريدك

كل اثر حبك محيتة..

اعتبرتك ماضي اسود

فات..وتعده..ونسيته!

********

مع تحياتي
الشاعـــــــــــــــــــــــــــــــــر

جلال البطاط

غير مبروء ذمة من يقوم بالنقل دون ذكر الاسم

[ملكة الاحساس]

الله الله روووعه قصيدة في قمة الروعة
احسنت وصح لسانك تقبل مروري وتحياتي اخي العزيز

[الشيخ ابوحيدر]

قصيده رائعه بروعة
قلبك النابض بالحزن
والشجن لك ولقلمك
كل الحب يالغالي

[اسيرة دمعتي]

ياحسافه وياك تعبي


ضاع وبلحظة نسيته!


ياحسافة كاس دمعي


اشكثر لميتة وجفيته!


يلي حبك حلم يقظة


وانيّ بالروح اشتريته..


ويلي طبعك من كَـزاز


وانجرح لو شابكَيتة..


ويلي حبك من سراب


وانيّ عطشان واجيتة..


يالذبحت أشعاري بيدك


واحركَت حرفي وهويته..


يالزرعتك وسط روحي


وبس دمع تالي حويته..


ترستلك جفي كَمرة


وانته بجفوفك طفيتة..


ثاري دربك من ضباب


وانيّ ما ادري ومشيته!


لا تظن عطشانة روحي


وبس نبع مايك رويته؟


ولا تِحَسب هذا كَلبي


ينتهي لو فاركَيتة؟


روح عني ما أريدك


كل اثر حبك محيتة..


اعتبرتك ماضي اسود


فات..وتعده..ونسيته!

الله عليك شاعرنه مبدع بكل ما تكتب
جميل ماتطرح حرك داخلي مشاعر قاسيه وجروح غافيه
دام لنا قلمك القيم والممتاز
بصراحه معرفت شقتبس من القصيدة كلهه روعه من بدايتهه لنهايتهه
تقبل مروري البسيط

[السومري71]

الله ماجمل كلماتك وما ارق مشاعرك
لاحرمنا هذا المداد الراقي
خالص تحياتي

[شاكر الهلالي]

احسنت صديقي العزيز سيد جلال

ولي الشرف ان امـّر برائعتك وكل ما تنثر

فالابداع يقطر من يراعك المميز

لك مني أحلى تحيه ولاتحرمنا من كل جديد 0

[الشاعر جلال البطاط]

الله الله روووعه قصيدة في قمة الروعة
احسنت وصح لسانك تقبل مروري وتحياتي اخي العزيز

تسلميلي ياملكة ع المرور والرد العطر...تحياتي لكِ غاليتي.

[بنت النجف**]

اللللللللله قصيدة رووووعة وتخبل
تسلم يداك