عندي وياك خطه .........

[رضوان النجفي]

السلام عليكم

ترى الماشاف حســـنك مبتدء معروب
ويقع من شاف حسنــــك في خبر كانه
يالعــــــينك جزيرة وبيـــها بس غابات
ورمـــــــوشك علـــــــيها جنود سفانه
من طحنه بمــــــحبتك ماأغوانه إبليس
ولا شيطان وزنه وحســـــــنك أغوانه
سگيت اعيــــــوني منك يلجمالك ماي
وكلما أروي عيني تصـــــيح عطشانه
بيك الدنيا تحــــــــله وما نريد الموت
وبدونك لا أبد ماتســــــــــــوى دنيانه
شگد شفـنه سهر لمــــــن زعلنه وياك
غشـــــــمه وحيل بــــينه ومـوت لفانه
شلون إنـريد غيرك يــــــــــــل إذا مريت
نتـيـــــه ومانعــــــرف اشجانه ماجانه
مــن گــد غيرتي وحبي وحناني عليك
أغـــار اعليـــــك صدگ حتى مني آنه
إذا أخرس يشـــوفك من امـــامه تفوت
تنـــــــفك بجمالــــــك عقـــدة الســـانه
وإذا أعمــــى ويحس إجدامك تــمر بيه
يــــــــــشوف الدنيــــا منك بشر مليانه
وإذا جيــــت لبشـــــــــــر ما آمنو بلله
كل واحـــــد توضــــــــــه وشال قرأنه
صعـــــبه الدنيـــا تخلق مثلك إيگولون
وأكـــــيد الخلق حـــــــسنك الله سبحانه
على شفافـــــك شفت نحله وبديها سلاح
مخـــــــبوصه بصـــــدگ تطرد بذبانه
يللـــــــــــونك ثلـــــج بس داخلك تنور
آنه وگلبـــــــي منـــــك زاد بلـــــــوانه
آنه وگلــــبي بمــــرك والتريده إيصير
بــــــس انكون يمـــــك هذا مــــــسعانه
رادك گلبـــــي يمه حتى يبــــقى ايعيش
وحطك وســـــط دمه ونبـــــض شريانه
ولون حبـــــــي الك يـــــــــنذاع بالتلفاز
لذيعـــــــنه على شاشـــــات روتـــــــانه
يا أقـــــوى سحـــــر بيك وعميت الناس
إذا الذابـــــحه أبـــــــنها ويـــــاك فرحانه
عـــــندي وياك خطــه انحمي بيها الگاع
ونحــــرر وطنــــــــه ونطـــــرد الجانه
على اعدانه تمــــشـى وطب معاهم فوت
والبــــــــس ثوب احمــــر وچفل أردانه
ومن تلــــعب بشــــعرك رايح إيدوخون
ونجــــي احنه بتــــــواثي ونكتل اعدانه

تحياتي للجميع

[محمد السوداني]

قصيدة رائعة مثل راعيها عاشت الايادي اخويه العزيز رضوان منور المنتدى والله

تحياتي وتقديري

[ام فيصل]

قصيدة رائعة بمعانيها ومفرداتها
شكرا لك عزيزي على هذا الإختيار الموفق
والشكر موصول لشاعرنا برهان العراقي
دام لنا تذوقك عزيزي رضوان
وتحياتي لك

[احمد النونو]

ولون حبـــــــي الك يـــــــــنذاع بالتلفاز
لذيعـــــــنه على شاشـــــات روتـــــــانه
يا أقـــــوى سحـــــر بيك وعميت الناس
إذا الذابـــــحه أبـــــــنها ويـــــاك فرحانه
عـــــندي وياك خطــه انحمي بيها الگاع
ونحــــرر وطنــــــــه ونطـــــرد الجانه
على اعدانه تمــــشـى وطب معاهم فوت
والبــــــــس ثوب احمــــر وچفل أردانه
ومن تلــــعب بشــــعرك رايح إيدوخون
ونجــــي احنه بتــــــواثي ونكتل اعدانه
يارب يسعد كل ايامك أ.رضوان
سيدى
ما شاء الله
بكلماتك شفت انه اجمل جميلات الكون
وعيونى لما شافتها ظلت شخصانه
تحياتى واحتراماتى يا مبدع

[محتاره]

قصيده رااائعه

سلمتـ اناملكـ يا مبدع

خالصـ وديـ