الذنب ذنب الزمان

[سراب الماضي]

السلام عليكم:
هذي قصيدة اني كاتبتهة احب تنطوني رأيكم بيهة:

(الذنب ذنب الزمان)

الذنب مو ذنبك انت
ولا اريد اعتب عليك

حبهة شكد ما تحبهة
الحب مو بيدي ولا بديك

الذنب ذنب الزمان
قاسي وماله امان
والغدر منه ما تدري يمتة يجيك

وهمني بالحب المحال
وشيدلي قصور من الرمال
وصورلي كل احلامي بيك

لكن انتهى وكت الحلم
ولازم افوق من الوهم
وبالماضي لازم اخليك

اتمنى من ربي يسعدك
وعن الالم ريتة يبعدك
ومن الي شفته لا يراويك

الحب من طرف واحد صعب
وناره ما تطفه بس تشب
ريت التودهه بحبهة تحتويك

بالمثل كالوا الزمن هو اليفرحك
وبئيده هو اليجــــــــــــــــرحك
وبس هو اليكدر يــــــــــــداويك

صح سفني ببحرك رست
لكني لا ميئســــــــــــــــت
وراح ابتعد وارحل عن شواطيك

شنـــــــــــــــــــــــو رأيكم بصراحة

انتظر الـــــــــــــــرد

[ملكة الاحساس]

صح لسانك واصل ابدعك
مشكور اخي كلمات جميله

[سلام الدراجي]

بدايه جيده واصلي وادرسي واقري الشعر الشعبي كثير
موفقه ان شاء الله
تحياتي ومودتي

[مريم جبران عودة]

بداية موفقة عزيزتي

المعاني رائعة

وواضح انك تمتلكين الموسيقى الشعرية المنسابة

واصلي وتعلمي اوزان الشعر

حتماً انت مستقبل شاعرة


اتمنى لك التوفيق

وننتظر جديدك

[الغربه]

كلمات جمييله وبدايه مووفقه عزيزتي

وبالتوفييييييييق

[امير الاحزان:]

صح سفني ببحرك رست
لكني لا ميئســــــــــــــــت
وراح ابتعد وارحل عن شواطيك
....................................
بداية سعيدة
لا باس بها..تبشر بخير..وبولادة قلم واعد
امامة مستقبل زاهر..لايتحفنا بكل ماهو جديدومميز
واصلي قراءة الشعر..وتابعي الردود.فالممارسة نمتهن الصنعة جيدا" ونتقنها
تحياتي الك..
اخوك الامير

[أنثى شرقية]

بالمثل كالوا الزمن هو اليفرحك
وبئيده هو اليجــــــــــــــــرحك
وبس هو اليكدر يــــــــــــداويك

(الذنب ذنب الزمان)


عاشت ايدك غاليتي كلمات رائعه موفقه بدايه جميله استمري
تحياتي اليك

[سراب الماضي]

شكرا لكل من رد على موضوعي وشكرا على التشجيع
وان شاء الله اكون عند حسن ظنكم بية
اختكم سراب الماضي