للمتزوجات فقط .........حتى ليتعقدن الانسات

[انجي العراقية]

مواصفات الزوج الخائن

أولاً
موبايله دائما مقفول بكلمة سر (باسوورد)...وإذا عنده موبايلين فاثنينهم مقفولات بنفس كلمة السر.. وإذا تسأليه عن السبب يكول: (حتى من يضيع لو ينباك محد يكدر يستعلمه)

ثانياً
كل ما اتخابريه يطلعلك (انتظار)... أما بالبيت فنادراً ما يدك... لييييييييييييش؟؟.. محد يدري

ثالثاً
من يوصل للبيت يخلي موبايله على (الصامت)... والله شنو... ما اريد أحد يزعجني!!!... عليييييينه

رابعاً
إذا طلع من البيت للشغل لو للسوق لو يم جماعته ونسه موبايله... يرجع للبيت وره دقيقتين مثل (الطللللللللللقة) وياخذ الموبايل... صح لو لا؟؟

خامساً
إذا جان نايم يقفله للموبايل... كلشي يصير... إحتمال يدك لو تجيه رسالة وهو نايم وميدري... واتروحين (من باب الفضول) اتشوفين منو لو تقرين الرسالة (كاررررررررثة موووو!!!!).

سادساً
عنده (ردود استباقية).. يعني إذا دك موبايله.. يرفض المكالمة ويكول:... (آآآآهووووو، والله ثبرني فلان.. صار خمسين مرة يدك عليه... ما أريد اجاوبه)... زين إنت منو سائلك؟؟ حتى اتبرر.. لو يلي بعبه معزة يمعمع

سابعاً
أكو (إرتباط شرطي) بين المسج أو المسكول... وبين طلعته من البيت.... مدري شنو العلاقة بحيث أول متجيه المسج يتحجج بأي حجة علمود يفر ويله ويطلع من البيت

ثامناً
يسولف بالموبايل من أماكن غريبة... مطبخ.. حمام.. حديقة.. طرمة.... المهم ماكو أحد يمه يسمع سوالفه ويه منو... فديري بالج

تاسعاً
الأسماء في موبايلة غريبة مثل
أبو غادة... يعني غادة
عنتر... يعني عبير
أنور... يعني نورا
الفيترجي... التنكجي... أبو المولدة... أبو الحصة
يعني أزهار... هناء... فائزة... ميسون

عاشراً
إذا جنتي وياه بالسيارة... يكولك فد دقيقة أريد أشتري جكاير أو اي حجه يطلع... وينزل من السيارة ويطب لأبو سوبر ماركت ... عشر دقائق علما يرجع... والله شنو.. إزدحام... لا ومرات وره هالتأخير يكول... (والله ماعنده جكاير من الأريدها)

أحد عشر
فجأة يصير وياج رومانسي جداً ويحبج ويتغزل بيج وبدون سبب او سابق إنذار..... هاي يسموها عقدة الذنب ...عباله اني غشيمه والله يالله

إثنى عشر
ما يمنعك من الروحة لأي مكان... للسوك، للنادي، يم صديقاتج... المهم متبقين يمه حتى ياخذ راحته... وإنتي كمش متصدكين.. راساً تتطلعين

ثلاثة عشر
كلما يجيب طاري الجهال يكول: (جهالج)... وميكول (جهالي) لو (جهالنا)... شي لا إرادي تسبق عملية اي زواج ثانية

أربعة عشر
إذا رحتي لبيت أهلج يخابرج ويكول:... (إذا متونسه خليج يمهم، وباتي همين إذا إتريدين)... وإنتي طبعاً ما اتصدكين وتسمعين كلامه...... خليج خليج.. خلي يفدوج أهلج إذا اتزوج عليج

خمسة عشر
يسولف بالأمور النسائية بشكل تفصيلي (حمل، مكياج، أظافر، رجيم، ميش)... بحيث تستغربين منين جايب هالمعلومات التفصيلية؟؟... يرادلها روحه للقاضي... من عندها غير

ستة عشر
من يكون عنده موعد وياها... يسويله أي مشكلة وياج ويتعارك.. ويطلع من البيت... حتى أخاف اتخابرين عليه ميجاوبك.. والله شنو!!!!... زعلان منج.

سبعة عشر
من يوصل للبيت بالسيارة.. يبقى كاعد بيها فد عشر دقائق.. وراها يطب للبيت... مو تدرون... السوالف بالأخير على الموبايل إتكون حلوة وما تتعوض.

ثمانية عشر
كل كلامه ويه جماعته بالألغاز... لأن كلهم على شاكلته.. كل مواضيعهم عن بنات

الخلاصــــه :

اذا توفرت في زوجك 3 حالات من الحالات السابقة:
تره إنتي تتوهمين تعوذي من الشيطان الرجيم بس انتبهي

اذا توفرت في زوجك 6 حالات من الحالات السابقة:
خافي على زوجك وابدي شكي بتصرفاته

اذا توفرت في زوجك 10 حالات من الحالات السابقة:
اكيييد انه يخونك لو يريد يتزوج عليج

اذا توفرت في زوجك 15 حالة من الحالات السابقة:
اقطع إيديناتي الاثنين اذا ما كان خاين أو متزوج بوحده لخ

أما إذا اتوفرت كل الحالات الـ 18 بزوجك
عيوني.. لمي غراضج وروحي لبيت اهلج... حالة زوجك ميؤوس منها

[عامر الكربلائي]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههه

طبعأ كله صحيح واني مسويه عشرين نقطه ههههههههههههههههههه

شكرأ الك انجي والله يسامحك شسويتي جانت كلشي ما تعرف خخخخخخخخخخخخخ

تحياتي الك يلغاليه

[انجي العراقية]

تحياتي الك ..وشكرا على الصراحه.. والمرور الحلو.

[اشراق]

كل كلامج صحيح
طلعتيهم كسر
وشكرا لك

[احلاهن بطة]

ههههههههههههههههههههه
والله خوش معلومات مفيده للمستقبل
هههههه
تحياتي لكي ولابداعكي هنا
لكي كل الموده والتقدير

السلام عليكم 0000ياانجي
لابد لك ان تتكلمي للمتزوجين فقط
كما تكلمتي للمتزوجات
حتى تتكون لدينا فكره عن الطرفين
شكرا لك سامحك الله

[انجي العراقية]

الاخ .. ابو غيث لك هذا
للمتزوجين فقط
؟
؟
وشكرا للمرورك العطر.

صفات الزوجه اللعوب او الخائنه الله يستر

كثيرا ما نقرا عن الزوج الخائن والعياذ بالله وكيف تكتشفين زوجك الخائن وكأن الخيانه حكرا على الرجال دون النساء انقل لكم اليوم طريقة كشف المرأه الخائنه

هل المرأة الخائنة لها صفات معينة يمكن أن تكشف عن سلوكها الخفي؟

بالتأكيد توجد بعض الصفات التي يمكن أن تدل عليها
تعتبر المرأة الخائنة مريضة نفسية إلى حد بعيد، فهي تبيع نفسها إما بثمن بخس أو نكاية في زوجها أو نتيجة عدم اتزانها وسهولة اللعب بأفكارها ومعتقداتها.
ولكن هل المرأة الخائنة لها صفات معينة يمكن أن تكشف عن سلوكها الخفي؟

بالتأكيد توجد بعض الصفات التي يمكن أن تدل عليها، ولكن يجب أن نتعامل مع هذه الصفات بحذر كي لا نظلم امرأة أخرى لم ترتكب أي ذنب، لأنه وللأسف معظم صفات المرأة الخائنة الخارجية تنم عن حنان ورقة وطيبة إلى أبعد الحدود، فهي:

مطيعة إلى درجة كبيرة وبصورة غريبة، وتوافق على كل شيء في صمت حتى لو كان ضد مصلحتها، ولا تدخل في مناقشات عن الحياة وأحوالها مع الزوج إطلاقا وتجعله يتصرف كما يشاء.
يبدو عليها التوتر في أوقات عادية، وتجدها شاردة الذهن عن بيتها وزوجها، وعادة ما تكون قليلة الكلام وقليلة النظر في عيني زوجها والتواجد معه في مكان واحد، كما أنها ترسم ابتسامة صفراء بعد أي حديث له ثم ترجع تكشيرتها بعدها مباشرة.

تأتيها مكالمات غامضة، وعادة ما لا تعرف أين كانت إلا بعد أن تأتي إلى المنزل بعد أن تنهي أمورها، وترتبك من أي اتهام توجهه لها، وتكون سريعة الانفعال إذا عاتبتها في أي شيء، وتردد دائما أنك تشك فيها على طول.

لا تتحدث معك في أمور مادية مطلقا على عكس ما هو شائع بين الناس عن أنها تكون مادية جدا، وتجدها دائما ما تفكر وتخطط لشيء لا تعرفه، وتعاملك بجفاء شديد ورغبة في التخلص منك في أي علاقة مشتركة بينكما

منقول

[انجي العراقية]

احلاهن راقبي بالخطوبه وكسري تكسر هههههههههههههه
يمعوده خليها على الله ......شكرا للمرورك الجميل