أبوذيات عالجرح تنزل
*****************
جثير أشواك الج يمي وليام
واليه شجم اخوه عندج وليام
النخل والماي وادعني وليام
ويصيح ارجوك رد الناس ليه
*****************
وحك صولة شماتي وصلوهه
أبنعش ليكم دمعتي وصلوهه
صلن عدمن شفته وصلوهه
صدك غايتهم يشمتون بيه
****************
اوصــي الراح والــرد مر ساله
عجب شبساع ينسه مر ساله
مشــه وده رساله مر رساله
جهنـــم بالظـــرف وداه ليــــه
****************
الي احباب اعله مودك ودعوني
طحت ما شفت واحد ودعوني
انه بعرسك دعـــوني والدعوني
نفسهم جانوا يشمتون بيه
***************
شحجيلك بحر تموز يالباب
وانه مفصل بخام العوز يالباب
وراك تلبد اخوي شلون يالباب
ابد ماظن دمعت عينك عليه
***************
انحنه ظهري وكابر عدليته
وبعدني بذاك حزني عدليته
خلص شوفي بمتاهه عدليته
طلع منه وبنه حايط عليه
****************
خسر كلمن رضه أوقع بجتلاي
أنصبت وعيون عدواني بجتلاي
طحت وسيوف خواني بجتلاي
وردت زنجارهن يفزع عليه
****************
الابوذيات صوتية في موبايلي الخاص
لكن للاسف لم يحضرني اسم الشاعر
فأحببت ان اكتبها لكم
وارجوا ان تنال اعجابكم
تقبلوا تحياتي
رد مع اقتباس
رد: أبوذيات عالجرح تنزل
