كم بيت دارمى حليو

[العراقي الطيب]

الدارميات

شدالدهر وياي اول شبابي كل مااكول يهون يكثر عذابي
**********************
اهلا وسهلا بيك نورت داري
من شفت وجهك طل انطفت ناري
***********************
ثلثين الك بالگلب والك بالثلث ثلثين باقيلي ثلث الثلث هم الك بيه ثلثين
************************************
اليون تالي الليل لا بد عله اسباب
لو دهر موچر بيه لو ذاچر أحباب
********************
گالولي منهو ذاك گلتلهم هواي
شنهو العلامه البيه.؟رف گلبي و چلاي
**********************
مخلص تظل للدوم هذا أنت طبعك
وغصبن عللى الحساد أنت احلى ربعك
هذا دارمي لكل صديق وصديقة جانوا ومازالوا مخلصين وياية
****************
نمطر محبة وشوگ صدگوني ألكم
ومندز رسالة بليل لو مانحبكم
************
اربعطعش نمام و اثنعش واشي
سدو عليه الباب گطعو معاشي
**********************
ايا خط الوسط يا هندسه وديكور وعدنه بالهجوم صگور ناريه يونس من يطب مو چن بشر عالگول چن اف 16 طياره حربيه
******************
مو تاجر انه احزان تاجر محبة
والگلب لو ينساك والكعبة أذبه
*****************
أنت الگلب والروح وانت المحنة
والگلب لوينساك أتبرة مننه
******************
يم بيتي ريتك كون واشمرلك العين
تشبعلي منك شوف وتردها بعدين
**********************
لو فد سباق يصير ياهو أجمل الناس
وانرش عليك أتراب هم تاخذ الكاس
***************************
بالكلب شبت نار طفيهه يهواي بالوصل تطفه بساع ما تطفه بالماي
***********************************
اشرب عرق يا ناس و المزه فستق
نايم اب وسط الطين حسبالي فندق
****************************
شلون ارحل واعوف هواي ..رحل واخلي ؟؟
ومنــــــــــــــــــــــــو بعدي يســــــــــــــــــــــلي
ياهو اليسلي هواك هاي التهمك
ماهمتك يافلان شيصبر امك
شنهي امي شنهي الناس شنهي الكرايب
فركة حبيب الروح هي المصايب
شالتك تسع شهور وانت ابطنهه
ماذبتك بالكاع دوم بحضنهه
شالتني تسع شهور شنهي استفاديت
انه وحبيب الروح كل واحد أبيت


******************
اتمنه هسه وياك واكعد وحاجيك وبيه الدمع بلعين يهيج بواجيك
*********************************

اليدري المعزة اتدوم هم يرفع ايدة
شاهد لليعدون مو لليريدة
*********************
بين القلب والروح ما اريد اخليج
خاف القلب تعبان وبدكته ياذيج
__________________

[خوخة الانباري]

مشكورررررررررررررررررررررررررررر عيوني العراقي الطيب

وعاشت ايدك

[العراقي الطيب]

شكرا والله خوخة لمرورك الرررررررررررررررررررررررررائع

اللله كلش حلوات عاشت ايدك

شلون ارحل واعوف هواي ..رحل واخلي ؟؟
ومنــــــــــــــــــــــــو بعدي يســــــــــــــــــــــلي
ياهو اليسلي هواك هاي التهمك
ماهمتك يافلان شيصبر امك
شنهي امي شنهي الناس شنهي الكرايب
فركة حبيب الروح هي المصايب
شالتك تسع شهور وانت ابطنهه
ماذبتك بالكاع دوم بحضنهه
شالتني تسع شهور شنهي استفاديت
انه وحبيب الروح كل واحد أبيت
ههههههههه
كلهن حلوات تسلم خويه الطيب

[حمورابي]

اهلا وسهلا بيك نورت داري
من شفت وجهك طل انطفت ناري