مايسوى , الزعل

[ام علاوي]

تعال لخاطرك ظل عندي مكسور
وصدك اعترف انه الكسرته


تعال الكلبي متيتم بلياك
تعال لخاطري ونشف دمعته


صح مني الزعل مابيك كل صوج
واحاسب روحي جي كلبك شلعته


تعال وخل نشد حبل المواعيد
حيل اتندمت لمن كطعته


كتلك عوفني كل قصدي الاشيك
كلت الحب حلو لتونس زعلته


مااصورك متنطر ا لهاي
ابوجهي الباب شو راسا قفلته


اعتبرني بهاي جاهل جنت احاجيك
وطفل غلطان ماتغفر غلطته


شمالك صدكت اكدر عالفراك؟
ومااشوفك بعد كل عقلك انته؟؟


صوتك بيه روح اتصور الحال
ترد الروح لو صوتك سمعته


انه مسودن اشلون ازعل عليك
الزعل يضحك عليه اشما زعلته

اكابر صح جنت مااحجي وياك
روحي اتروح يمك تحجي سكته


شجاك اتعوفني يمعود اشبيك؟
وكلبي عليك يمعود فطمته


صبرت اهواي بلكت اكدر انساك
وماكو انساك بس اتذكر انته


كمر وجهك تعال وضيع الليل
وخلي الليل يرجف من طلعته


ترهملي انته بس وارهم عليك
ومايسوى

الزعل شكك صفحته


اعتذرلك هسه اجيت وكون ماجيت
وعساني البابكم لا ماوصلته


كتلك انته اليه وملكي للموت
وغيري وياك ماترهم عشرته


كاعي انته وزرعتك وانه فلاح
ليش الغير يحصد بالزرعته؟؟

كلبك هذا يمي وسولف وياه
اكيف لو يقنعك لوقنعته


مااصبر بدونك لحظه ماعيش
هذا الصوت من كلبك سمعته

تعال بسرعه نرجع نسحك الراح
ومن كلبي

الزعل صدك شلعته
...........................

مماداعب الوجدان

الله شكرا ام علاوي اختي على اجمل موضوع تقبلي تحياتي ومودتي

[الشيخ ابوحيدر]

روعه غاليتي اختيار وذوق
جميل تحياتي وخالص ودي وحترامي
تقبلي مروري ام علاوي
وكل عام وانتي بخير

[الكناري يونس الجبوري]

تسلمين يا ام علاوي على النقل الرائع
قصيده ذوق وروعه وما دامت لامست وجدانك فهي بالتأكيد كما وصفتهالك
تقبلي مروري
وتحيتي لك

[سهام الهلالي]

انه المعجب بحجيك مغرم وولهان

عطر طيب ودلال يداعب انفاسك

غنج لو دلع ما تتكبر اعله الناس

على الماشي تناثر منك احساسك

0

تحياتي لك ام علاوي

كل عام وانتي بالف خير

[ام علاوي]

المشاغب شكرا للحضور المتواصل
لاعدمت مروروك الجميل
شكرا لك من القلب
تحياتي

[ام علاوي]

شيخنا الغالي ... يسعدني دائما ان ارى اسمك يتلالا بين سطوري
لاعدمت طلتك البهيه
لروحك عطر الياسمين
مودتي

[ام علاوي]

كناري الفرات عدوي اللدود هههههههههه
اهلا بأشراقتك التي انارت موضوعي
لاعدمت تواصلك المميز اخي
لك خالص الود