فراتية جديدة جايبتلكم ابوذيات تجنن

[@عراقية@]

ولاحن..
سيوف الهجر صابني ولاحن
ولا ولفي انكسر كلبه ولاحن
لاظل اعزف واغنيله والحن
واظل شموع لافراحه ضوية..


ونسه..
أحبك اكثر من الكون ونسه
وعندي الموت اذا يرضيك ونسه
وما فارك ابد ذكراك وانسه
واقدم روحي لعيونك هدية..


عده انته..
تعال احسب بهمي عده انته
وكلبي شعنده غيرك عنده انته
ازعل الناس كلهه عدا انته
لان زعلك يزعلني علية..

شأرجي منك..
شحجي وياك شصلح شرجى منك
اذا بالضيج اجاني شرجي منك
يردون اني ارجم شرجم منك
ارجم شمس متوسطة علية..


وتقبلوني فراتية جديدة وياكم تحياتي @عراقية@

[ابو علي الصكر]

ابوذياتك حقيقه تجنن0وبودي ان ارد عليها لكن 0صوت الرصاص يشوش على افكاري 00

وانشاء الله تتحسن الظروف واخذي ردود من الابوذيات 00ردي هذا ليس بمستوى ابياتك الجميله00

تقبلي تحياتي
الصكر

والله ابو ذيه جميلة جدا واني عندي رد الها بس بعدين ارد عليها لان هسه ما عندي مجال

[@عراقية@]

ااسعدني مرورك
ابو علي الصكر والحال في بغداد ترة مو احسن من البصرة..
سلامي وتحياتي

[@عراقية@]

والله ابو ذيه جميلة جدا واني عندي رد الها بس بعدين ارد عليها لان هسه ما عندي مجال

ممنونة لمرورك اخي الغالي ابن الرمادي
وانتظر ردك..
تحياتي