شاعر يكتب قصيدة عن بلم عانا ما عانا
صبر ايوب صبرك يا (بلم ناجي)
تكرط بالسنين وبعدك ازغيرون
اجت بعدك سفن وتغيرت ناس
شلت الظيم وحدك ما طلبت العون
انته الرابطك ما اعتقد سيم
ضميرك حي مثل بعض اليحبون
الغيره البيك لو موجودة بالناس
قصور من الوفه يمك يشيدون
بس انته جبل ما مبني بالواح
انكر داك بعيون اليحسدون
والشط اعلى روجك يغفي وينام
ولا مرة الغفت عينك يبو عيون
سهرانه وتعد انجوم للغياب
ولوجه الصبح تتنطر اليمشون
اخذ منك دمع وانطاك كل الحيل
غميج الشط على امتونك يركبون
ثكل حملك ولا مرة الكلت اخ
اشما جارو عليك اتكول ممنون
اشكثر وادم عليك ادوس يا مسكين
ما مرة الشكيت وكلت ممتون
على خلكك احسدك والاناة البيك
هيده ابهيده تمشي وي اليعبرون
اشكثر عندك صبر تتحمل الناس
يالبطنك وسيعه اشما يسحكون
لو انه ابمكانك ابزع بساع
اكلبهم كلاب ولو يغركون
بس انته فضي وعندك خلك ما صار
اظن صبرك ترس مليون ماعون
لم سيماتك وغرب شوفلك دار
اهم ربعك كضو والباقي يرحون
امطوف يا بلم شفناك نص الماي
بعد ماكو الك ناس اليجرون
من جنت ابشبابك جان بيك الحيل
الك جانو جثيرين اليركضون
هسه الشيب من غطك بعد شيفيد
عله يا هو تذب روحك يمجنون
ابكتر السوك علكولك صواني اشموع
خفاره الجيتك جانو يلزمون
هسه من الجسر يتفرجون اعليك
ويذكرونك بعض مرات من ينسون
ما لك كل ذنب لكن جزاك السوم
الحلاوة البيك راحت والحسن واللون
احفظ ماي وجهك والكرامة البيك
خليها على لله وصدك اتهون
للامانة للشاعر جياد الركابي
رد مع اقتباس
