بوق الحرب.الشيخ ابوحيدر

[الشيخ ابوحيدر]

أدﮒ بوق الحرب ترخصني كَل لحسين
وياهـــــو الباع روحه ويطب للساحـه

اليوم اكسرضهرهم وحـــﮒ زينب ﮔـال
اريد احصـد الجيش واكســــر جناحــه

بـس باوع عليه واحسب انته الـروس
اﮔـطعهن وحقـك سهمــــــــــــك الراحه

مقفوله الحـــــرب بــس عدي المفتاح
ورد اقفل البـاب وعــــــــــدي مفتاحه

جيش لوحـــــــــــدي تدريني لوهديت
غشيم الحاﭽـه روحـــــه ويلزم سلاحه

اتحده اليـﮔـــــــــول بعيني شفته يفوت
لان راسه يطير الشـــــــــاف مصباحه

والشافه خطـــــف يكتم انفاسه الخوف
شحــد راسه يحركــــه يصير مرجاحه

والشافـــــوه جثــــــه وراسه ماموجود
ﮔـالـــــــوا باليقيـــــــــــن الـﮔـمر ذباحه

بقلم الشيخ ابوحيدر الشويلي

[ابو ابراهيم الخزرجي]

تسلم الايادي اخي ابو حيدر على هذه القصيده الرائعه تحياتي وتقبل مروري

[الشيخ ابوحيدر]

تسلم الايادي اخي ابو حيدر على هذه القصيده الرائعه تحياتي وتقبل مروري

ابوابراهيم الرائع جعل الله مرورك في ميزان حسناتك دمت بود

[ابو عقيل]

وكفو من اخو زينب
تسلم ابو حيدر... محروس بحق العباس