تكلي وينك ............بقلمي

[يحيى الحميداوي]

تكلي وينك........
أنه ويني وحته أدري بويني....
أني ضيعت السنين..وضاع عمري
وما لكيت أجفوف الي تدليني
أني من أسمع...
حرف بسمك أهيم
وما اصدك بعد نظرة بعيني
أنه ميت وين.....
من كبل الحياة
وأبد ما بيه طعم عشريني
غازلت موتي.........!!
وردت وياه أعيش..
هناك يدفعني ويطش أسنيني
حيل ياصيهود............
بيامي خراب....
بلا مطر سير عليّ تشريني
تكلي وينك...................
تكلي وينك...................
هذا ويني وحالي هذا المارضه
أيصافيني.....
أنه ما أدري درى بيه الزمان...
أجروحي من تكثر نزف تحييني
مرادفات أسهام تنبت......بالضلوع...
وجويه جويه....
بلا خجل تجويني
وكصرت أيدي ....وعلى الذكرى بقيت
وعلمت روحي الصبر كافيني
من افكر بيك اشرك بلظنون
وانسى انك مارضيت بديني
ولذلك عفت ديني وياك اجيت
وانته عاد بكيفك اتلفيني
والله ادري............
وادري زين..........
انك بحبك عطش تسكيني
بعد لاتسال يويني...........
انت ويني
ولو لكيتك.....اشتهي ترويني



بقلمي الشاعر
يحيى الحميداوي
27-12-2010

[السومري71]

الله الله عليك ايها المبدع
قصيدة مميزه ونداء من القلب الى من ملكت هذا القلب
اخي العزيز يحيى
امتعتنا بجميل نظمك ننتظر مزيده
تحياتي

[عقيل كريم الشويلي]

الله هنا الابداع وروعة الكلمات شكرا لك ايها الحميداوي الرائع تقبل مروري وتحياتي

[ام فيصل]

أنه ما أدري درى بيه الزمان...
أجروحي من تكثر نزف تحييني
مرادفات أسهام تنبت......بالضلوع...
وجويه جويه....
بلا خجل تجويني

تصوير رائع لجذوة ألم تتوهج في ثنايا الروح
وقريحة رائعة رسمت حجم الوجع
هذا هو الحب نستعذب كل عذاباته
ونتغزل بآهاته مع كل لسعة منه

مبدع ,,,,,,, دوما يايحيى
لاحرمنــاك عزيزي

[شوك الشفايف]

الله ..اللـــــــــــــه
رائع انت يا شاعر الاحساس ..والجمال
جرس موسيقي اخذني فطربت فاطربت
حتى كأن كل ما في غرفتي طرب وصاح الله..شوك.

[يحيى الحميداوي]

المبدع شوك............
شكرا لمرورك ياصاحب القلم المميز والحرف الجميل
تحياتي وودي لك اخي

شاعر مبدع عاشت الايايدي يا حميداوي ...

[يحيى الحميداوي]

المبدع دوما الامير.........
شكرا لمرورك ولك الف تحية يارائع