ومضة مجارات ومضة ام علاوي..

[امير الاحزان:]

في رد جميل لاحدى ومضاتي
كانت ام علاوي لها حضورها على متصفحي..
زعل كلبك علييه شلون وياي
وتاليهه ويه يكلبي شكد يزعلك
الف اسف اكول واغلط النوب
وارد ارجع ابوسك واعتذرلك
اجرحك وانت كلبك ينبض احساس
وابد ماضن شخص حساس مثلك

ومجارات لما خطته اناملها بحق تلك الكلمات كان الرد التالي..

زعل كلبي عليج ..لنج انتي
حبيبت كلبي ومسمح اتزعليني
الف اسف كلتلج كبلج بيوم
ومثل محرم بسلة اليوم ترميني
وبقى جرحي اليم وحارت الناس
غير اعلاج شوفج صار ياذيني

مع خالص الود والاحترام لاختي الغالية ام علاوي
احزان الامير كانت هنا

[سلام الدراجي]

اللهم يجعل احزانك كلها افراح ومضات جميله وردود اجمل تسلمون وعاشت ايديكم

[أنثى شرقية]

ومثل محرم بسلة اليوم ترميني
وبقى جرحي اليم وحارت الناس
غير اعلاج شوفج صار ياذيني



عاشت ايدك كلمات رائعه
ووصف رائع ورد اروع
لكن لا اتمنى لك الاذيه ابداااا
كن بخير دوما
تحياتي لك

[أسامه الشاعر]

سلمت ودمت اخي الغالي
تحياتي

[امير الاحزان:]

شكرا" لكل من مر من هنا ليسمع اهات الاحزان
وهي تتحدث عن واقع الحال..واخص منهم بالذكر:
اخي واستاذي الغالي ..سلام الدراجي..واقول له امين يارب العالمين
واحلام في الانتظار...واقول لها شكرا" لردك الجميل..
لكن الاذية تأتينا من حيث لا ندري..
بسبب او باخر..
والاخ..الغائب الحاضر..اسامة الشاعر..
وتمنيت منه لو يكون له تعليق اكثر..لعلنا نستفيد من مكامن شاعريته الرائعة..
شكرا" شكرا"..مع فائق الود

[ام علاوي]

ايها الامير...

أو تسألني ....!! عن حالتي.... وتكلّي شو تعبان..!!!

وشبيدي .... وأنته الهوى .. أو موعد رحيلك حان..

دار الوكت وانتهت , واني طلعت خسران

شيفيد هسة اعترف , واصرخ انة الغلطان

انت رحلت والكمر , وياي ظل سهران...!!

تحياتي الاخويه ياامير العشاق...

ام علاوي

[عراقيه غيوره]

الغالي امير الاحزان
ياسماء الحرف يامليك الكلمات
ياقاموسا للعشق يلغي صمت الأزمات
ستبقى معاني روائعكَ
بين السطور شاخصات
و
جود بحرك يفيض دُرر
من كمال الوجود شذرات
وجوهر مدادكَ العذبُ
شذا ,,, لكل المساءات
هنئاً لك هذا التالق
الذي لايحده حدود
ولن تبعده المسافات


تقبل مروري البسيط
مع تقديري الكبير
أختك / عراقيه غيوره

[امير الاحزان:]

اختي الغالية/ام علاوي.....لا تعليق حتى اجاريك برد في موضوع خاص
ممنون الك..
عراقية غيورة/شكرا" لكل حرف خطته اناملك الواعدة..بحق اخوك العود
امنياتي لك بالتوفيق ودوم التألق..يارب