بابك ياكلب سديته من سنين_قصيده روعه ادخل وشوف

[زينه]

بابك ياكلب سديته من سنين
كلبي من العشك ماظل صبر عنده
وصيت الكلب لاتعشك انته النوب
لان حظك ردي وقسمتك بعد ارده
شو ياهو التحبة يخون بيك بساع
ويبيعك بالرخص ويذبك بشده
متكلي شجرالك شو تأمن الروح
بيد ابن الحرام الماحفظ وده
كل هذا الحجي ومافاد ابد وياك
ابعد الجرح عني وبيدك ترده
وجاي اليوم اليه بعشك من جديد
بس والله انت حقك فوت وتحده
صدك ياكلب لا ما الومك ليش
افتح بابك انته وبعد لتسده
لان هذا التحبة الكمر منه يغار
ويدنك على راسه ويبوسه من خده
بس كون انته يمي وابد ماتبعد
صدكني البعد لاجاب ولا وده
اعرف كلبي انه ومن يحب مجنون
دخيلك ابد لتخليه وحده
مو شاف القهر من عمره عشر سنين
لان ياهو اليحبه يصير ضده
وطعم الفرح ماضكناه ابد لليوم
لك حتى الفرح من بابي ماعده
اتعنه انه لبابك وابقى اشم بالكاع
اكولن بلكي جدمك فات واتعده
انته اخر عشك بالروح لا لتروح
الوب عليك مثل الطفل وبمهده
زرعتك ورده حلوة بوسط هاي الروح
وازكيك بدمع يا احلى ورده
اقسملك قسم بالخلق داحي الباب
كل مابعد حبك بيدي ارده
كل مابعد حبك بيدي ارده

[محمد السوداني]

الله الله الله
قصيده رائعه وكلمات يفوح منها
المسك والعنبر والارجوان
اخت زينه احييك واهنئك على هذا
الابداع
ننتظر دائما منك الرائع والمميز
تقبلي تحياتي

[زينه]

والله اشكرك من كل كلبي عللا هاي الردود الي مااعرف شلون اردهن الك
وياربي التوفيق

[الشاعر ماجد الدعمي]

الاخت العزيزه زينه قصيده جميله جدا وتسلم الايادي اخوك ماجد الشاعر تقبلي المرور والتحيه

[زينه]

شكرا لمرورك اخي ماجد يسعدني ردودكم

[قلب المحيط]

شكرااااا على هاي القصيدة الحلوة وانتي دائما قصائدك حلوة

[ملكة الاحساس]

القصيدة فعلا رائعة تسلمين تقبلي مروري

[حيدر القريشي]

روعه وابداع جميل ورائع

شكرا على ما خطه قلمكي الرائع

وتقبلي مني خالص الود والتقدير