ازهيري بس الي

[محمود شاكر الهلالي]

هذا الوكت صادني صيد السمج بالسلي

خلاني ناحل جسم شبه الوكع بالسل

من دون كل البشر صد والتفت بس الي

تعبان حالي صفه وثوب الصبر بالي

هاغيمت ها صفت مشغول ظل بالي

ومن كثر هم العلي تميت ما بالي

يادنيه مالج فخر جبتي الحزن بس الي

0

مما راق لي

[هدار سامي شياع المنصوري]

يمشي قطار العمر يطوي الليالي طي
والوادم اتغيرت مال حبيب اوخي
اندار الزمن والميت يحسده الحي
يهلالي تاه الجدم بين الشمس والفي
عطشان حته النهرمن الصبخه يطلب مي
واحنه مثل ماترى ابضلمة درب ماشين
الزمن لو طاردك متكلي تشرد وين
دمتم وعاشت الكلمات اخي الهلالي

[الشيخ ابوحيدر]

سلمت اناملك
ودام نبضك تحياتي
لهذا المداد الراقي
يالغالي

[ام فيصل]

الله عليك يامحمود
وعلى روعة احساسك
وسلم لنا نبضك ومدادك

زهيري جميل عزيزي
دمت
ودام لنا هذا التواصل

لك اطيب تحياتي وامنياتي بالموفقية

[اسيرة الوطن]

الله عليك استاذي
ازهيري رااااااائع بكل ماتحمله الكلمه من معنى
سلمت يمناك
تحيتي
اسيرة الوطن

[سهام الهلالي]

زهيري رائع جدا جدا

أسى وحرقه

فن واحتراف

في انتقاء المفرده

لك احلى تحياتي