محتـــاجكـــ

[فلــــــه]

من جرح الجرج يانار ادور بيك

تبرد من كتر وبكتر يجويني

ذبلت بمحبتك زهرة العشرين

وبريحتك طفت شمعة ثلاثيني

ماعوفك بعد ماخذ عهد عالروح

قابل لو حطب للنار ترميني

واتنفس هواك بزحمة الدخان

واكولن هم يحن كلبه ويطفيني

مو ثوب وينزعك جسمي حتى ارتاح

ولا كل يوم طبعي بيوم تلكيني

احبك مدري ليش وليش مدري شلون

ولاجويات نيرانك تنسيني

ما دور بعد عزة نفس وياك

بس ينجاب طاري اسمك يبجيني

يا اجمل حلم عشته بخيال النوم

ويا قيثارة لحن صوتك توعيني

محتاجك حبيبي بكثر ما محتاج

واحد يفتهم حجيي ويحجيني

زينتك ضوه وصارت عليك العين

او حراميه العشك ترسن بساتيني

ما تلحك عليه انطارة الناطور

من ترمش عيوني انباك تدريني

سولفلي التريده اجروحي تعبانات

خليني افتهم شتريد خليني

وانه وياك واضح مثل شمسك هاي

وغربيل العواذل ما يغطيني

وانه بغير حبك صدكني ناقص دين

احبك وارد اكمل بيك نص ديني

تحياااتي
فلــــه

[ابو علي الصكر]

فله00يا فله00
والله ابداع متميز وراقي جدا00
ننتظر جديدك 00يافله00
الصكر

[سلام الدراجي]

وانه بغير حبك صدكني ناقص دين

احبك وارد اكمل بيك نص ديني
ان شاء الله ما تحتاجين احد والكل بحاجه الك اختي العزيزه وما عاش اللي ينزل دمعتچ
يافله

[رنا العراقية]

اذا سمحتي اكتبتهة عندي بالمذكرات

مشكورة يا فلة


تحياتي

[همس الغروب]

كلمات رائعة ذات طابع مميز
سلمت يداك اختي

تتسلمين ياربي كلمات جميله والاجمل الوجه المشرق البريء

[العراقي الطيب]

شكرااااااااااااااااااااااا الك تحياتى مشاركة روعة


من جرح الجرج يانار ادور بيك

تبرد من كتر وبكتر يجويني

ذبلت بمحبتك زهرة العشرين

وبريحتك طفت شمعة ثلاثيني

ماعوفك بعد ماخذ عهد عالروح

قابل لو حطب للنار ترميني

واتنفس هواك بزحمة الدخان

واكولن هم يحن كلبه ويطفيني