(((لاتزعل حبيبي )))

[العراقي الطيب]

(( لا تزعل حبيبي ))


لا تزعـــل حبيبي الخاطــــــري اترجــــاك
خايــــف انـي اموتـــاً مـن علي تزعــــــل

تعــال ارجع اريـد اني احچي ويـــــاك
حبيبي وداعتــك مـن تزعـــل اتخبــــل

ما اگــــــدر اعيشــاُ صــــدگ بليــــاك
ابــوس ايــــدك دخيلك عنـي لاترحــل

احــس بروحي وردة ومايها من شفــاك
لا تتـركهـا هــــاي الــورده لاتذبـــــــل

واحـــس عيوني روحي وگلبي حاچاك
لتخلينــــي كافــــي وبيــدك اتوســـــــل

اســـأل گلبـــي گلــه ويــاهو بچــــاك
هســـه يجاوبــك صدگني من تســــأل

راح يگلك ارجـــع سامـــــح اليهـواك
ليـــش تغيــب عنـه وزعلك يطــــول

احلفـــك بالحسيـن وربك الســــواك
خلي الزعــــل كله بضحكــه يتبــــدل

ربــك خالقــك تهواني واني اهــــواك
هم شايف جسد يتزاعل ويه الظــــــل

حبيبي انسه الزعل والزعل خل ينساك
بعـــد عيونـــك اني وبيمــــن اتغـــــزل

تعـــال انطينـــي بوســة صلـح بشفـاك
واريـــدك تبتســــم وعليــــه تـــــــدلل

اوصيــــك انـــي بيــه وگلبي وصـاك
اذا تبعــــد علينـــه شلــــــون نتحمـــل
اذا تبعــــد علينـــه شلــــــون نتحمـــل

احبك ما احـب غيــــرك _ ولاريد
وحبيبي گليبي ظل يمك _ ولاريد
اريـــد المـــوت يبرالي _ ولاريد
اشـوفـــك ماتنـام ابيـــن اديــــه

الشاعر
علي الديواني

[غفران الحزين]

احبك ما احـب غيــــرك _ ولاريد
وحبيبي گليبي ظل يمك _ ولاريد
اريـــد المـــوت يبرالي _ ولاريد
اشـوفـــك ماتنـام ابيـــن اديــــه


عاشت ايدك على النقل الجميل
انتظر مزيدك

[سلام الدراجي]

(تعـــال انطينـــي بوســة صلـح بشفـاك )حلوه وقويه بس خايف لا تلزك الشفه عله الشفه؟؟؟؟؟؟

عاشت الانامل قصيده رائعه

مشكورين احبائي ياريت ارجع الكم قريبا تحياتى الك العراقي الطيب

[رنا العراقية]

احبك ما احـب غيــــرك _ ولاريد
وحبيبي گليبي ظل يمك _ ولاريد
اريـــد المـــوت يبرالي _ ولاريد
اشـوفـــك ماتنـام ابيـــن اديــــه

حلوة عاشت ايدك

مشكورة اختى العزيزة لمرموك الجميل تحياتى


احبك ما احـب غيــــرك _ ولاريد
وحبيبي گليبي ظل يمك _ ولاريد
اريـــد المـــوت يبرالي _ ولاريد
اشـوفـــك ماتنـام ابيـــن اديــــه