عَجيبه إعله الزمَنْ يتماشه بالأضداد
يُوم إويَه اليضِدنه ويُوم وَيانه !
طبعكْ مانِحِزره إمدولبْ إبشطحاتْ
كِلْ شطحَه إبأثرها إتيه سَفانه
خلْ طبعكْ نخلْ بعثوكَه تَمْر ِالصَيف
يثمِر مِن يشوف إجروفه غركانه
خلْ حُبَكْ نسيمْ إعذوبه تالي الليلْ
خلْ كَمرَكْ يشِعْ إبنورَه جيرانه
خلْ طولكْ بَذِرْ مَزروعه بيها الكاعْ
خلْ عينكْ يَمامَه إتشوفْ إحسانَه
خلْ جفكْ يصافُحْ غيرَةِ الوجدانْ
خلْ سِنَكْ يبُوسْ إشفاف خجلانَه
خلْ جدمَكْ يدُوسْ إبحيله حُب الذاتْ
وشيطانكْ يمُوت إبخيلْ فرسانَه
خلْ إذنكْ سَماعَه إيرَتِلْ القرآنْ
ويمَجدْ كِتابْ آياته عِرفانَه
هذا إحنه النريدَه الكِلْ زمَنْ ناقوسْ
بأجراسْ الكنائسْ دَكِته إعلانَه
ويكَبر شرَفنه إبغيرَة النوُماسْ
شيلة راسْ كِلمَنْ أذنْ إوذانه
بالكْ يازمَنْ تُمرُرْ علينه إبظيمْ
كِظينه إمنِ الحِزنْ ذابَحنه بَجانَه
نِريدَكْ يازمَنْ تاريخ مِنْ جديدْ
تِكتِبْ لِليحِبَكْ ؛ شكشِكْ أحزانه
إكتبله الفرح بألوان عَلْ الجدرانْ
والإعلانْ خِطه جبير عُنوانه
وإرجَعْ يازمَنْ وإتكاتبْ إويه الرُوحْ
شريانكْ عِركْ مَدْ بينه شريانه
نِتصافحْ نِمِد إيدينه إحنه إوياكْ
مُو غلطانْ كِلمَنْ جفه بلوانَه
منقووول