|•|| ۩ يا محلا العراق البيه تربينة ۩.|•|

[العراقي]

(يامحلا العراق البيه تربينة)

يا محلا العراق سهولة وجباله .....وهلاهل ماجداته وضحكة أطفاله
وحكمة كل شيوخه وقوة إرجاله.....وتاريخه المجيد وسطوة إسنينه
يا محلا العراق البيه تربينة


يا محلا العراق ومحلا أيامه.....من جاع وتعرّى وتعبت أعظامه
ويمر بيه العطش بس ماحنى الهامة.....ودسنّة إعلة الحصار وبيه تلاوينة
يا محلا العراق البيه تربينة


يا محلا العراق وطيبة أنهاره.....ينابيع الشمال وطينة أهواره
من دربندخان لهور العمارة.....ملح صار الزمان وبيه تحلّينة
يا محلا العراق البيه تربينة


يا محلا العراق وصاحوا الشيعة.....عراق البيه علي وحسين منبيعه
حُكم حبه علينه ولازم نطيعه.....مثل عباس نخوة وغيرة البينة
يا محلا العراق البيه تربينة


يا محلا العراق تجاوب السنة.....ولعرس العراق بدمنة نتحنّة
أبو صالح الحادي بكل فخر جدنة.....وشباب الأعظمية تعلّگ الزينة
يا محلا العراق البيه تربينة


(تأنينة الشهادة وعز عشگنة الموت) .....منبيع العراق ولو على التابوت
سواتر من جثث بس لا عدونة يفوت.....ومن ظاگ الوكت بسمه تنخينه
يا محلا العراق البيه تربينة


يا محلا العراق الأبد ما بيه عيب.....الذنب ذنب السياسة (ذيب ياكل ذيب)
دعوفوه العراق وخل جروحه تطيب.....وخل ترجع الضحكة لوجه أهالينة
يا محلا العراق البيه تربينة


مو ذنب العراق تهجرت ناسه.....الذنب كل الذنب ذبوه عالساسة
مثل أرضة بوطنّة وتُنخر بساسة.....وباعونة الدول وتشمتوا بينة
يا محلا العراق البيه تربينة


يا محلا العراق وغصبن إعلة الكل.....بلدنة يظل عزيز وبيت أبونة يظل
يالعفت البلد لابد سنة وتمل.....يتبره النخل فد يوم من طينة ؟؟؟!!
يا محلا العراق البيه تربينة


تطيح الروس بس ما طاحت الراية.....ما نقبل تمسّنة بغلطة وحجاية
أهل غيرة وحمية وكلنة حدّاية.....لا نرضى الظلم,لا نرضى بالشينة
يا محلا العراق البيه تربينة


باوع منتخبنا الفرّح أحبابه.....جاب الكاس إلنّة والنصر جابه
أخذ مني حچاية وخلهة عطابة.....ما يربح ترة كلمن يعادينة
يا محلا العراق البيه تربينة

[ذيب الغزالية]

كلام جدا رائع أخي العراقي

ولكنك نسيت ان تذكر بعض الشغلات

مثل :

|•|| ۩ يا محلا العراق البيه تربينة ۩.|•|

بيه ما شفنه الفرح ولا تهنينه
لا شفنه الفرح لا عشنا مثل الناس
بس ضيم وقهر وامراض حط بينه

|•|| ۩ يا محلا العراق البيه تربينة ۩.|•|

يا محلا العراق الديح اولاده
وما راد اليحبه وعشق جلاده
نزل بينه كل ضيم الله وعباده
وخله الدنيه كله اتشمتت بينه
لك عيوني من يا محلا العراق البيه تربينه ..!!

أخوك : عمر الحجار أبو الفاروق

[العراقي]

ههههههههههههه
مشكور ابو الفاروق على المرور

تحياتي

[ليالي العراق]

عاشت الايادي اخواني الاعزاء
تقبلوا مروري


تحياتي

[SaMmY_GuiTarIsT]

@@@@@@@@@@@@@ تخسى كل غربان الشر العراق عراق ويبقى العراق وما هيه الا كبوة جواد سالم يا عراق