كضيت اسنين عمري ظالمني
ونه عقلي بصدود ظالمني
تكلي شضال منك ظالمني
فقط مجرى النفس تلكاه بيه

اذوبن لوعيونك علي تنصاد
شما تجي الحينه اصدود تنصاد
اذا انته التعرف الناس تنصاد
اذن انه الغشيم اشلون بيه

بعد محمل وياك العتب ولمن
واذتني ليالي اجفاك ولمن
رحت الياعذل ياخوي ولمن
مو ذولي اصل كلهل اذيه

يراس المال انته والتجارة
وعليك ادموعي تهمل وتجارة
عونه الصار جارك وانته جاره
ويشوفك كل صباح وكل مسيه

ادك عليك يكول الطلب جاري
وعليك المع فوك الوجن جاري
ريتك يالعزيز اتصير جـــــــــــــــاري
وشوفك كل صباح وكل مسيه

كلبي مالعه ابغيره لعابه
وأحسن شفه الأمراضي لعابه
سبحان الذي صاغه لعابه
ونفخ بيه الروح حتى يعم عليه

وحك البيت واليمه والعضام
احبك وبكثر حزني والعضام
يفز جلدي منشوفنك والعضام
ترجف من تمد ايدك عليه

وحك المصطفى وحيدر والحسان
ربعي انكرو كل طيبيوالحسان
دهود ياكلب وصبر والحسان
اترك صحبة البيهم اذيــــــــه