كلها منك...
يلعفتني بلا وچاد.. وگتلي عاين زين دربك
كلها منك...
يلعفتني بنص حماد.. وگتلي حيِّر ودبُّر أمرك
كلها منك...
لنك أنته النور لعيوني ويطيب بشفتي طعمك
يا طعم چنه التبرزل
چنه شمام المقندَّل
أنته جوري بوسط مشتل
أنته مدلول وتدلل
ليشت تنذل..
ليش تمشي بها الطريق وتالي تالي تگول مندَّل
ليش تنكر كل صديق .. وتبقه يوم الضيج أعزل
ليش تطردلك رفيق .. وتظل بالغربة أتوَّسل
ليش تنذل...
مانه أدريبك صگر لو غاب جاب الصيد منذل
مانه حسبتك شهم ما جفنه رف من خوف لو ذل
مانه حبيتك نچر ما يوم عاف الدرب لو زل
ليشت تنذل...
وأنته فانوس الدروب الجان مشعل
عار تنسل...
عار تقبل..
باليريده الغير وأنته الچنت الأول
منقولة من
الشاعر محمد علي محي الدين