لان كهرب وجنتك شحنه سالب
وانه الموجب ألك انطي حرارة
أذن واجب علينه أنصير فد روح
وتفهمني وأفهمك بالإشارة
ولان تخطيط كلبي أحروف اسمك
قرأ التخطيط طبي وكال سارة
ولا أتفكر تغيب بيوم وتروح
الحار ابلايه بارد ماله چارة
من اجيك البيت يضوي الباب مفتوح
لان بيده فتحلي الباب داره
وما اخسر ابد تبقى أنت ربحي
وي غيرك أذن ربحي خسارة
أماره بدونك انه بسجن أحسه
وبيت الطين أحس وياك أماره
ومرار من أيدك عندي اتكول چمار
وعسل غيرك أحس طعمه مرارة
هايبوتينشن من تبعد أنصاب
واعدل لو اچت من زيارة
ومدامك ماي ما أرهم بدونك
ألگلب من يشتعل من يطفي ناره
ألجكاره اله مضار أتسبب أمراض
ولان كاسي أصبحت حلوه ألجكاره
سرك طلسمك سحرك لفاني
على راسي ألبدت چنك أحجاره
بس هيه كريمه اتكول ياقوت
زمرد والله أظنه وما هي ضاره
وإذا فد يوم تفصل عني وتغيب
ما نضوي بعد تطفي الإشارة
وفجاه انه أشعرت واكف أبستان
موحش اظلم ويبست ثماره
لان نايم چنت فزيت مرعوب
ثاري انه أبحلم معرف إسراره
الدكتور الشاعر
سلام الدراجي