ليلة بلا وجودك مر طعمها يصير

[سامي المشكور]

ليلة بلا وجودك مر طعمها يصير

وما احسبها جي غايب ضوه الكمره

واحس ميت برد واني بحظن تموز

ثلج فركاك ما يدفى بحضن جمره

صرت كلمة تعال بحنجرة مشتاك

كلما تعلى كلبك ينكلب صخره

تعال احفر بصدري وكلي شنهو تشوف

راح تشوف ميت يحفر بكبره

جرح البيه منك مو جرح سجين

جرح كلمة اروح انساني بالمره

لذالك جرحي ميت والجفن مشكوك

كل ما ارد اخيطه يكسر الابره

كبل من تعمى عيني تبصر بملكاك

هسه انته اجيت وعيني ما تشوفك

جانت تجوي جيتك تحرك الاحساس

هسه احساسي مات بلزمت جفوفك

جنت المدرسه والكتب والاقلام

كتبت ذكرى حبنا بوحشة صفوفك

هسه انته وكعت وانهارت الحيطان

وبقايه حروف اسمي تداوي بحروفك

فهمتك الحب الينتصر ع الخوف

ما كتلك عليه تسلهن سيوفك

احبك والله احبك والعشك مجنون

واني اول محب مغرم باليغدره

واذا جان الغدر عندك محبه يصير

جا حبك اليه يصير هلكبره



منقول لعيونكم

[محسن المفرجي]

تسلم اعيونك اختيار رائع والكلمات جدا رائعه
شكرا لك اخ سامي

[اسماء علي]

ليلة بلا وجودك مر طعمها يصير

وما احسبها جي غايب ضوه الكمره

واحس ميت برد واني بحظن تموز

ثلج فركاك ما يدفى بحضن جمره

صرت كلمة تعال بحنجرة مشتاك


كلمات في قمة الروعة تحياتي
ومودتي لسامي المشكور الراقي

[سامي المشكور]

اخي محسن
ربي يسلمك
انت الاروع
شرفني مرورك

[سامي المشكور]

اخت اسماء
شكرا لردك الرائع والراقي
لك تقديري وامتناني