كافي تسحن روحي كافي ....
يا شلب حن اعلة ماية بجفن غافي
ويا مساحي الحفرن بروحي نهر كلش غميج
كافي غمجت الفيافي
شوحبت هدني صدودك ....
وانتة بكليبي هدم.. ! تاكل عوافي
منين اجيك واحضة بيك ؟؟
وانتة كلك بس تجافي !
اعشك انتة وبوس غيري !!!
واشعل بروحي القوافي
كافي اكلك
ولك كافي
امحولل انتة اتبوك روحي
بس تذكرني بحنانك
انتة عينك جيلة تكتل
وسط روحي ايثور دانك
ماطلت ليلي بمحبتك
بس حسافة ليلي عانك
شكثر باك الشوك اماني
واحيا بس اذكر امانك
وانتة ما شايف شبيهك
كل تواريخ الضلم ما مر زمانك
تبحر بروحي واموت .... وكون اموت !!!
تفرح انتة وهذا شانك
يل شريتك ما ابيعك
كافي موتني جنانك
شوف اكلك كافي تهجر ... ما ابيعك
وابقة جلمة ترن باذانك
جلمة تسمعها وية شعري
انة احبك
انة احبك
لو اموتن لو ترد يسمر توافي
كافي تسحن روحي كافي
الشاعر علي البزوني