ليش تخون...........بقلمي

[عقيل كريم الشويلي]

(الى كل من ذاق طعم الخيانه من اقرب الناس)

ليش تخون يالشريتك أنه بروحي

جا مانفع وياك الربه وتعب العمر

حبيتك أنه وشلتك بهاي العيون

ولجلك كضيت ايامي ليل وسهر

تجازيني بغدر شنهو السويته وياك

ولك ليش بغدرك تجويني بجمر

لاتحشر اسهامك بظلوعي وتروح

أنه البظلوعي يكفيني من اسهام الغدر

يالرسمتك دنيا وبيهه اجمل حياة

وبدنيتك اتعيشني بحزن طول الدهر

ليش مو أنه الجنت سلوى لأيامك

تظوكني المرار ولوعات وقهر

روح مكشر عسى لارديت

والله عله فراكك اشكد عندي صبر

الخيانه بيك تسري وتمشي وي دمك

ويبقى الراس مرفوع ومايهتز الشجر

أنه عندي الكرامة تاج فوك الراس

وانت اعله الخيانه رابي ويأمرونك امر

يالجنت غيمه سودة ومتغطية بسماي

ماأنمحي اشما نزلت من سم المطر

روح وشضل من ايامك غير السواد

وأنه منور طريقي وراح ابقى استمر

كل خاين لازم يطيح بيوم من الايام

وعلى كذبك يطلع صبح ويطر الفجر

بقلمي الشاعر
عقيل كريم الشويلي
23-12-2010

[شوك الشفايف]

الاخ عقيل تسلم يا طيب ياغالي
على هذا الاحساس الرائع......شكرا..

[عقيل كريم الشويلي]

الاخ الرائع شوك اشكر مرورك يامبدع لك كل التحايا

[عنوان الحنان]

الله الله على هالكلام الاكثر من رائع يامبدع
تقبل مروري

[عقيل كريم الشويلي]

عنوان الحنان شكرا لمرورك هنا اختي لك كل التحايا

[الكناري يونس الجبوري]

[الشاعر محمد الحميداوي]

الابداع اصبح قرينك دمت للقصيده المثاليه ذات الاحساس الراقي تقبل مروري

[سيدحبيب المشايخي]

قصيده جميله جدا جدا
بكلماتها الرائعه
عاشت الايادي

يامبدع