زعل منه الفرح لملم أغراضه او مشه
اولزك بينه الحزن دكَه بسامير
مسح كل بسماتنه من وجوه اليضحكون
أورسم بيهه عبوات أو شواجير
كطع أورود الحدائق زعل العشاك
وخرب أعشوش او هجر عصافيـــــــــر
وبجه كل بناتك ياوطن هذا الحزن مجنون
على بختك ياحزن رفقن با القواريــــــــــــر
أوباك الفرح من كلوب الأطفال وتوهمت أطفالنه
اوكل ضنه الفرح من نوع المحاذيـــــــــــــر
*
لاتعتب يخايب والعتب مرفوع لأن تعلمنه على الحزن
من جنه رضعان
تلولي امـــي وانه بحضنه ارضع الضيم وأقره بوجهه
ألأف التعابيــــــــــــــــــــــــــــر
تنعه أمي وتلوليلي أونزل دمعه ويه ألبن وشرب الدموع ورفع أيدي شنهي يمه مغشوشه المقادير
*
وكبرنه اوكبر كلشي ويانه العرفناه
اوين مادرنه عكس دنيانه أدير
وبقت أمي على الدرب تذرف أدموع أو حفرت بخدوده انهار
مره على الوطن مره علينه الخلصينه عمارنه محطات أو مشاويــــــــــــــــــــــــــر
وعفيه أمـــــــــــــي وعفيه على الوطن شكثر حملو هموم اويحضنونك يا حزن حضن الشواطي لجفوف النواعيـــــــــــــــــــر
وعرفت يا وطن يوسف صفيت لجن خوانك ذياب
أوعرفنه الجان مخفي وبعجل طمينه البيــــــــــر
والباكك يا وطن همه المنك او بيك وحراميت الامس
صارو نواطيـــــــــــــــــــــــر
أو ماأعتب عليك يا عراق لان انته أبوي وعرفه
شكثر تعبان
والزمن من يذكر ألأمه بوجهه ايكلب التصاويــــــر
او ماأجازيك يا سيد الأوطان لأن منك تعلمنه الصبر والحكمه والخير
يلتمد جفك خبز للجوعان وغطه للعريان جلدك أيصير
يل صرت دمعه أ وسكنت اجفون الآيتام عجيب أمرك
يلماألك تفسيــــــــــــــــــــر
لجن عمت عين ألوكت من خالف أوياك أيصيب اسام حقده ومن يشوفك تتلكه الأسهام يدور الوكت راسه أو منك أيحيـــــــــــــــــر
او ماكدرو عليك يبو النهرين ذولي أنذال
لأن انته نبي للأوطان أوعقلك أجبير
لشيلنك دعاء بصدر مجروح وصيرلك عبد أو راهب أو ادير
وعبد أوراهب أو دير.......
تقبلو تحياتي الشاعر علاء حسين الشمري
allahussien_77@yahoo.com