الف حسره بدليلي لجلك تنوح
والف دمعه اليوم مذبوحه
شسولفلك يغالي وقلبي مجروح
وشيفيد الدمع لو ناحت النوحه
أنت أكبال عيني وين ماأروح
مثل صوره جميله مرتبه بلوحه
عزيز أنت ومعزتك هزت الروح
ومن أجلك تراها دموعي مفضوحه
شنهو البعد يرهم شنهو مسموح
بقت بس الدموع اليوم مسموحه
** ** **
ما أعوفك أبد ماخذ عهد عالروح
وقابل لوحطب للنار ترميني
أتنفس هواك بزحمة الدخان
وأكولن هم يحن قلبه ويطفيني
مو ثوب وينزعك جسمي وأرتاح
ولا كل يوم طبعي بثوب تلكيني
مادور كمت عزت نفس وياك
بس ينجاب طاري أسمك يبجيني
محتاجك حبيبي بكثر مامحتاج
واحد يفتهم حبي ويحاجيني
** **
أريدأكتب قصيده تبجي العيون
تهز الكون والعالم صداها
أريد أكتب وأبجي الي يكتبون
ولا أكتب قصيده احد قراها
كمرنا في سمانا صار مسجون
وشمسنا الغاليه حجبو ضواها
الي نحبهم بيا ذنب ياناس يبجون
نذرنه أرواحنه لبسمة شفاها
غالين وعلى الراس تبقون
وأمل للروح وغايتها ومناها
********************************
منقـــــــــــــــــــول