{نعش الليل}
......
الليل نعشه أنحمل
نعشه انحمل
الليل مابيه أمل
مابيه امل
والنجمه باخر فجر
محد عليها سأل
خلص عمرها صبر
حدما ضواها رحل
والروح ظلت بالنعش
والكَلب بهمومه انكمش
مواله بحزانه أختنك
بطل يغني
أنا ورحي عليه..
.وردت اشيله...
وطاح مني
ياليل لاترضه النعش
رد للكَمر ياليل
الصبح ودروبه دغش
خافنه بيك أيميل
مغشوشه كَاعه رمّل..
ويا الرياح تميل
خافن أجدامك تظل
كَاع الرمل تظليل
فوكَها شايل حمل
وياليل انته بليل
الزمن....
سد بابه ومشه
ويريد أسدله أديون
مايدري انام بلا عشه
وفوگ الحزن مديون
العيد اخلصه دمع
ماچنه يوم العيد
والزمن باگ الشمع
مدري بعد شيريد
الغربه ماهي سفر
والعوده حالة أمل
رحلة سفينه ابحر
عبرت اسنيني دوّل
.....
الليل نعشه انحمل
نعشه أنحمل
......
أنا من أتسد حدودي
شوكَي ميرده صبر
أنا من تكسر قيودي
يبقه ابكَلبي الاسر
آنا جرحك
آنته جرحي...
وصرنا كل واحد جرح
آنا ليلك
وأنته صبحي...
وطول الغيبه الصبح
ماشفت راحه...
تصدگ يالحبيب
شوگي مرجاحه
يوديني ويجيب
كاولي شوكَي...
يغني أبكل وكت
شما تبت منه...
يكَلي ما تبت
شيبچي اليوّن...
لوما جروحه اتصيح
شيهز الغصن...
لوما تهزه الريح
ياما...أخلص الليل...
بالصبر أكتحل
وشما افك القيد...
يرجع ينقفل
چمدوب حاير...
ريتي محترگه
وشكَد جكَاير...
تصرف الفركَه
تعال أرجع يروحي
أمسح دمع روحي
أعلا نهر الشوگ معبر...
ردتك اتصير
وردت ترجع و أشوفك...
مو تصاوير
الصبر....مني أرتحل
الشوگ...مالاكَي أمل
.......
والليل نعشه انحمل
نعشه انحمل
.......
كلمات
ناصر اسماعيل الموزاني