من زغري .... عراقي

[محمد السوداني]

من زغري .... عراقي
(من زغري)

من زغري عليه مرادف النكبات

وطكًات الزمان يضيع بيها العــَــدْ

متعود عليهن والتفوت اتهون

لان ادري الوراهه اتصير منها أزيــَـدْ

فصٌلت الحزن ثوب ولبسته اسنين

لا يقبل اذبه ولا قـبل يركَــــَـدْ

وحملني الزمان اجروح فوكً جروح

وجروح الزمان اشلون تتضـــمٌـدْ

واضحك والسوالف موش جنها اوياي

مابـّين خلل للناس متعـــــــمد

او من ادري برفيجي يريد بيه يعيل

بعتابه الخجل ياخذ ني واتردد

ولافطره وسذاجه وموش تايه راي

لجن طبعي التسامح وي كل أحــٌــد

ولاعمري بنيته ابدغش وي الناس

ومن ابني العلاقه ابنيها حل وشــــد

ولاعمري جفيت ابعشرة الطيبين

ولا عمري بديت ابكًـطع حبل الــــود

انسف بالربع واوزنهم بميزان

وموكل الضحك وياي بيه أضمـــَـدْ

اسايرهم حياء وادري ما يوفون

لمس بيدي لمست ومنهه متأكـــــدْ

جثيرات السوالف والمجال يضيج

وموضوع الافتحه ادريبه ما ينســـَد

اكره كل منافق يحجي بالوجهين

يضحك للجبيل وهو قلبــه اســـود

واحبن هالوطن وترابه والطيبين

ودعليه بصلاتي من اركع واسجـــِد


م&ن
تقبلوا تحياتي

[اسدالعراقي]

شكرا اخي العزيز المبدع ابو جاسم الورد
على القصيدة الجميلة
اختيار جميل وراقي مثلك حبي
لجن طبعي التسامح وي كل أحــٌــد

ولاعمري بنيته ابدغش وي الناس

ومن ابني العلاقه ابنيها حل وشــــد

هذا طبع العراقين الطيبين بتعاملهم

[هاشم نجم]

الله يساعدك ويساعدنا على مرادف النكبات وطكات الزمان
وان شاء الله ما يجي وراهن شي وننزع ثوب الحزن لان
طبعنا احنه العراقيين التسامح

شكرا على القصيد ه الرائعه وتقبل تحياتي ومروري
اخي محمد السوداني

[محمد السوداني]

شاكر مرورك الراقي والرائع دوما اخي العزيز ابو شهد

ممنون منك حبيب كلبي تحياتي الك ولتواجدك الدائم

[محمد السوداني]

العفو اخويه العزيز هاشم شاكر مرورك الغالي يالغالي

لك ودي وتقديري

[عاشق عيونك]

شكرا يلغالي ع القصيدة الرائعة دوم الابداع يارب
ابو جاسم الورد




تحياتي

[محمد السوداني]

العفو اخويه العزيز شاكر مرورك الرائع

تحياتي الك حبي

[وفاء سلطان]

الله
قصيده جميله
ونقل مبدع
تقبل مروري العجل...