ليش الوحدك منغير جناز؟؟؟؟
ومنهوالغسلك ويغمض العيون
غريب ابنص محطه او وادم اجناب
وهلك عنك بعيد اشلون يدرون
اليموت ابص هله تتهدله اهدال
عليه امه وخواته اتطيح المتون
واشوفك وحدك وانته الكبل جان
الجبل والساتر ابسدك يلوذون
ملك موتك استعجل لو توانيت
ترد الديرتك جا هسه مدفون
دليني ابجوازك رايد اقراه
واشوف اشصارلك بالغربه مدفون
من وحشة الغربه الوحشة الموت
او شربت الوحشتين ابفرد ماعون
عليك امك تعاين بلجن اتعود
وضعنك ما رجع من دون الضعون
عدمن ودعتهه اوجيت ليجاي
عليك اتناشد اليرحون ويجون
تريدك عون الهه ابتالي الشيب
وهسه انت ضعت وتريدلك عون
وحدك تنعه روحك جنك اتكول
اهلي الضيعوني اشلون ينسون
المثلك ما يموت وناسه تنساه
العراق
انته العزيز
اوتنسه اشلون
0000000000000000000000000000000000
كان شاعرنا الشهيد رحيم المالكي مسافر خارج القطر لعله يجد الخبز الذي لم يجده في وطنه0000
وفي احد الايام صادف جنازه في طريقه يجمعون لها اجرة الدفن00لانهم لم يجدوا في جيبه غير الجواز وللاسف كان عراقي!!!!!!!!!!!!!!!!!!
لذلك كتبه شاعرنا هذه القصيده او (( المرثيه))
تقبلو تحيات اخوكم
الصكر