يبنادم تهده

[سجاد الرحال]

يبنادم تهده شويه لاتعثر
ابد ميدوم جاه ومال لاتنغر
تواضع ويه ناسك وحجي بمعروف دولاب الزمان وبالعكس يفتر
لتغرك افلوسك والجمال البيك
وحيلك مايدوم احذر
اخذ عبره
لون دامت الغيرك ماالك تعبر
وراك احساب يبنادم وكلشي امسجل ابدفتر
عليك اعضائك التشهد اخافن لوردت تنكر
يسألونك المال امنين اوين انفقته ماتذكر
اذاعندك جواب اخلصت من الضيم ولوماكو تضل العين بس تفتر
احذر يابنادم واعمل ابمعروف
قبل فوت الاوان احذر
لاتعله اعله ربعك وابد لافديوم تتكبر





(بقلمي)

إبهيده إعله بختك لا تعت بيهه
... يبنادم إبهيده
روحي انحلت والشوق ماذيهه
... يبنادم إبهيده
ما جنهه ذيـج الـروح ... يبنادم
ولا جنهه كلهه إجروح ... يبنادم
والشوق ماذيهه ... إشمالك تعت بيهه ؟
* * *
تسيوره عمري وياك ...
يبنادم
غفله وأخذني الطيف
ولنهه بحلاة النوم ...
يبنادم
روحي اعله روحك ضيف
وأغفه ابهواك اسنين ...
يبنادم
كيّف تراني بكيف
وراكد بروحي الماي ...
يبنادم
ثاريهه غيمة صيف !!
ثاريهه غيمة صيف !!
* * *
بجي الشموع الروح ...
يبنادم
بس دمع مامش صوت
ورفّة جنح مكسور ...
يبنادم
كَلبي يرف بسكوت
لا هي سنه وسنتين ...
يبنادم
لا هيّه صحوت موت
حسبة عمر عطشان ...
يبنادم
والماي حدره إيفوت !!
والماي حدره إيفوت !!

تقبل مروري مع الشكر الجزيل

[زهراء القيسي]

الله
الله

صح لسانك يا مبدع المبدعين
كل كلمة الكلتها صحيحة وموجودة بهالزمن
ويا ريت كلمن يقراها يفهم

تحياتي الك شاعرنا
تقبل مروري البسيط

[سجاد الرحال]

شكرا لك فاتن
على مرورك الرائع
ومداخلتك الجميله
تحياتي

[سجاد الرحال]

تسلمين زهراء القيسي
لك فائق التقدير وشكرا
على مرورك صفحتي
المتواضعه