المشاركة الأصلية كتبت بواسطة العراقي الطيب
لاتظن انساك حتى الموت
اذا نشفت عيونی الگلب يبچي اعليك
وادموع الگلب مو ماي يجرن دم
**************
واذا جرح البشر يم الطبيب يطيب
اني من الطبيب اجروحي تتالم
****************
ما ينفع طبيب ولا علاج يفيد
لان انت الطبيب وشوفتك بسلم
*****************
يا عشرة عمر فرق شملها الموت
مثل ماي وتبده وبعد ما يلتم
********************
شمعتنه انطفت والليل صبحه ابعيد
وچماله الگمر گبل الوكت سلم
***********************
وانجوم الثريا الچانت اتناغيك
غابت والظلام ابديرتك دلهم
********************
يا وجه السعاده الغدر بيه الموت
فرقنا الزمان وبيتنه اتهدم
*******************
عاشرت الحزن واسود لبست اعليك
خاواني الدمع واصبح جليسي الهم
************************
صحيح انت غبت واصبحت تحت الگاع
بس صورة خيالك هاي تتكلم
**********************
اشوفك بالحلم مثل الگمر بالبيت
هذاك انت الرقيق ودوم تتبسم
.gif "66 (46)")
افز من نومتي واركض وافك الباب
حسبالي حقيقه وما چنت احلم
********************
ارد اشرب دمع واطحن بگايا الروح
واسنين العمر صارن صدگ علقم
********************
ساهرت الليالي وگمت اعد انجوم
اتامل ترد والموت يتوهم
********************
اظل دوم انتظر واشعل شمع بالبيت
واني ادري الزمن لو جار ما يرحم
ولو گالوا نسيتك لا تظن انساك
وانت بهاي تدري وعالگلب تحكم*
توم احنه انولدنه وما فطمنه البين
لان روحي ويا روحك فقط تتاقلم
لاتظن انساك حتى الموت
رد مع اقتباس
مشاركة: لاتظن انساك حتى الموت
مشاركة: لاتظن انساك حتى الموت
.gif "66 (52)")
.gif "66 (113)")
