منابداعات غانم الفياض الى كل ام عانت من ويلات الحروب

[المتنبي]

امي سجادة صلاتي بليل الولايه الغريبه وامي اجمل لوحه بعيون الحبيبه
امي الولايه الوحيده التنطي كلشي بلا ضريبه
امي تاريخ العراق ابين اديه امي ياطير الاشوفه يكول سلملي عليه
امي واهسه جبير اتذوب الوحشه ابحجيها
وامي ماتعرف تعاتب والعتاب يضيع بأول ضحكه من نكبل عليه
بس تموت من القهر بلعيد اذا محد يجيه
وحنه نندل شوكه ونعرف حزنه مثل ماجنه ازغار انام بس نندل ثديه
امي بيام الحرب دمعته ساتر يمنه جانت عينه ونسمع بجيه
وانه اتحدى اليدور ذاكرت كل الحروب ومايشوف اعيون ام ودمعه بيه

[محمد السوداني]

والله ابدعت بالاختيارعاشت ايدك والام تستاهل اكثر من هذا فما بالك بالام العراقيه
ام الابطال والصابره والمكافحه في كل ميادين الحياة
تقبل تحياتي وتقديري اخي العزيز المتنبي كلك نخوه وطيبه حبيبي انته
تقبل مروري يلغالي اخوك
محمد

[مصطفى المالكي]

امي شمعه باليله ظلمه
تحترك وضوي لينه
وامي خيمه وحضن دافي
وبيت ضل ساتر علينه

وامي دمعتها تنزل
كبل ما تسمع بجينه
وامي اشكد انسانه طيبه
مؤمنه وكلش حنينه
كل صلاة اسمعها تدعي
من الباري يستر علينه

المتنبي
شكرا على هذه النقله الجميله والاختيار الموفق
تقبل مني هذه الكلمات كمجارات لما قدمت هنا
وعذرا اذا كانت ركيكه لانها وليدت الحظه

تحياتي

العراقي

[ام فيصل]

عاشت ايدك يامتنبي العراق على هذا النقل

ومافي شي بالكون يوفي حق الأم

ولا في حنان مثل حنانهه - الأم جنة الله على الأرض

سلمت وسلم شاعرنا الفياض على هذه الكلمات