السلام عليكم عراقي وصرت منبوذ آنه اليوم وتلوم الناس بيه ممحصل انا اي شي بس الهويه

[الشايب العراقي]

السلام عليكم


عراقي وصرت منبوذ آنه اليوم وتلوم الناس بيه

ممحصل انا اي شي بس الهويه

واحد يكول بعتوها او واحد يكول ارهابيه

او واحد يكول صرتوا عدنا هوايه ويريد يسد بابه عليه

اتمنيت اكعد من النوم والكه واحد مثل زايد عليه

ويكولي هاك حصتك من النفطات روح تونس شويه

واتمنيت نرجع للعراق اليوم وأسد حدودي عليه

واكول ممنوع دخول الاردني والسوري والمصري وولد اليهوديه

وممنوع دخول كل جنسيه عجمية وعربيه

وألكه شعبي فرحان وبغداد كلها مضويه

ولا شيعي ولاسني ولاكتل على الهويه

واشيل الحكومه كلها والعن ابو الطائفيه

واحطهم بجدر حامي واسويهم هريسه للحسينيه

ونبني مول جبير بصف نادي الهنديه

واضوي العرصات وتنضفها البلديه

ويرجع ابو نؤاس والجادريه

والكرادة وزيونه والحارثيه

واسوي ملعب جبير من الثورة للحريه

ونبني مبنى جبير بس ديسكوات ونوادي ليليه



واكتب لافته جبيرة ممنوع دخول السادة والوهابيه

وابنص دجلة برج جبير على عناد الخليجيه

واسوي نافورة طويله اطول من نافورة جده بالسعوديه

ويرجع كل عراقي باوربا وامريكا وبالدول العربيه

وترجع بغداد حلوة على عناد ايران والدول العربيه

بس مو كلها تريدوها هسه هاي بسنه 2100

[الامير العراقي]

مشكور حبي على الموضوع
دوم الابداع والتألق
تحياتي الك

[الشايب العراقي]

شكرا لمروركم على موضوعي
اسعدني مرور الجميع منورين الموضوع يا طيبين
مشكوووووورين والله يعطيكم الف عافيه

وابنص دجلة برج جبير على عناد الخليجيه

واسوي نافورة طويله اطول من نافورة جده بالسعوديه

ويرجع كل عراقي باوربا وامريكا وبالدول العربيه

وترجع بغداد حلوة على عناد ايران والدول العربيه

بس مو كلها تريدوها هسه هاي بسنه 2100





عاشت ايدك حبيب كلبي

قصيده روعة

ننتظر المزيد

ودي ~

تحياتي الك وعشت على هذا الموضوع بس تدري يا خوي يا شايب هذي الكلمات ادك بالصميم

[فارس الهيجاء]

الله عليك يا شايبنا مبدع وكلك ابداع

تحياتي

[ابوصلاح]

عفية عفية شكرا لك بارك اللة فيك

[الشايب العراقي]

اسعدني مرور الجميع منورين الموضوع يا طيبين
مشكوووووورين والله يعطيكم الف عافيه