طش الضعن كلمن مشالة
وصبح صوت العقل اكثر ضحالة
الوادم ترتجي علم اليفكرون
شو جانة الخبر باحسن مقالة
الوطن محتاج بالجملة تموتون
الوطن مكرود شو محد ابحالة
وكالو بالمقالة انريد تحجون
عن اهل العوز واهل البطالة
انصبغ لوني وطن واهلة يغنون
كلت امن الوجع والهم حلالة
ا تصور حال ايتام وينون
مو من اليتم من النذالة
وكالو بالحرب لازم تصمدون
وميته امن العطش شيبة وجهالة
وصرح بالقلم نصبر ثلاثون
جا كلي العمر بلة شبكالة
وانفتحت علينة عيون واعيون
عمت عيني الوطن محد بجالة
ابشرك يا بعد حيلي والمتون
ترة( طش الضعن كلمن مشالة)
بقلمي
حسن الشيخ ناصر
م/ المقطع الاول باللون الاحمر للشاعر مصطفى السعدي
والمقطع الاخير وايضا باللون الاحمر من الموروث الشعبي العراقي
رد مع اقتباس
