قصيدة ياشيعتي رغم عداي وگت العطش ذكروني .. مكتوبة ..

[الحــر]

وكت العطش ذكروني

ياشيعتي رغم عداي وگت العطش ذكروني - كلما تشربون الماي وگت العطش ذكروني

ياشيعتي وگت الشرب ذكروني دلالي ظامي - عدواني من ماي العذب حرموني حرمو ايتامي

أنا الذبيح ابلا ذنب سلبوني والجسم دامي -دمع الحزن والأشجان يا شيعه لا تنسوني

أنا الغريب العطشان وگت العطش ذكروني

يا شيعتي نار العطش بين احشاي تلهب وتسري - گلبي انخمش فكري اندهش من دنياي وليدري يدري

فوگ الترب خدي انفرش خيل اعداي هشمت صدري - يا شيعتي ابجرد الخيل عگب الچتل سحگوني

جمر العطش هد الحيل وگت العطش ذكروني

شيعتي ولو يوم انفگد منكم شاب عنكم تأخر - ذكروني من شفت الولد جسمه انصاب و بالدم تعفر

غابت الروح من الجسد لمن غاب عن عيني الاكبر - لفراگ الاكبر ما لوم ونخمد نور عيوني

انا الوحيد المظلوم وگت العطش ذكروني

اليفگد عضيدة وبي غدر هضم البين جور الفجيعه - خل يذكر امصاب الگمر والچفين ظلت گطيعه

بين العدا وسهم الغدر صاب العين يم الشريعه - حيلي انهدم عالعباس خابت عليه اظنوني

بفيض المدامع يا ناس وگت العطش ذكروني

لو شفتو عريس انفجع والاحزان زيدت همه - ذكروه ابجاسم من وگع عالتربان والحنه دمه

تالي العرس نحره انگطع والعدوان وذرة جسمه - ابدال العرس دمه يسيح ومصابه غير لوني

چني سمعت صوته يصيح وگت العطش ذكروني

شيعتي ولو منكم طفل گلبه يذوب وينگطع نحره - يذكر رضيعي المنقتل ابلايه ذنوب وبگلبه جمره

عبد الله نحره منفصل وعلى المصيوب نسچب العبرة - ابعيني شفت طفلي انصاب ياشيعه لا تلوموني

چبدي إنفجع گلبي ذاب وگت العطش ذكروني

لو شفتو عيله محيره والايام جارة عليها - اتذكرو عيالي اميسره بدرب الشام وغدرو بيها

والحرم مدمعها جره على الايتام وميسريها - وتنادي زينب بدموع منهو اليشد ظعوني

جاوبها راسي المگطوع وگت العطش ذكروني


ولا تقصروا بمواسات الزهراء يالعشاق

[M!Ss 56ERA]

شكــرا على القصيدة الاكثر من رائعة !

و باركـ الله بيــك اخي

تحياتي لك

اللهم صلي على محمد وال محمد وعجل فرجهم يالله

بارك الله بيك اخي العزيز الحر على نقل هذه القصيده الرائعه

تقبل تحياتي

[ام فيصل]

بارك الله فيك وجزاك الله عنا كل الخير ياحر

وحشرك الله مع العطشان الغريب

قصيدة رائعة -- تحياتي لك وعظم الله لك الأجر

[الحــر]

احبتي واخوتي يا عشاق سيد الشهداء والاحرار الحسـين ع


M!Ss 56ERA // الزير سالم // خادم الحسين // ام فيصل

رزقكم الله حب الحسين ابداً وشفاعته يوم الورود

لكم مني كل الاعتزاز والتقدير

[هاشم نجم]

احسنت وبارك الله بك
وعاشت ايدك
لك تحياتي

[الحــر]

احسن الله البك حبيبي واخوية العزيز

والله يبارك بحياتك ويوفقك لكل خير

لك مني اطيب واصدق الامنيات

[ام فيصل]

السلام عليك ياسيدي وامامي يااباعبد الله
لعن الله قاتليك وظالميك الى يوم الديــن
عطر الله انفاسك عزيزي الحــر
وجزاك الله عنا خير الجزاء
تحياتي لك