هلوووووووو شباب وصبايا فردا نفرا
جبتلكم اليوم صور للطفل البرئ حمودي
طبعا حمودي هو اخونا من دولة اوكرانيا الشقيقة (بقت عليهم كلهم أشقاء )
هاي صورة حمودي اول ما سجلته امه بالمدرسة
المدير اخذ وية حمودي صورة عباله المشرف هع هع هع
وهاي صورة حمودي افندي وية اصدقاءه بالصف مال محو الامية
بنية وولد مكيفين عدهم صديق اسمه حمودي لان بأوكرانيا ماكو حماميد بس هو
بعدين رجع حمودي للبيت مكيف بالدوام مالته واجى يسولف لأمه يكوللها ماما اليوم عمو المدير طك صورة وياي وصادقت ولد وبنية وطكيت وياهم صورة بباب الحارة قصدي بباب المدرسة ماميتو
ووراها حمودي كال لأمه اريد تشتريلي جفوف لان الجو بارد كووولش كووولش
طبعا شباب حمودي سوالفه كلها تفصال حتى الشسمه
فأجتي امه كلتله تعال ماماتي خلي اقيس ايدك بالفيته ( هي ايد لو مظلة شمسية )
ورة جم يوم رجع حمودي من المدرسة ضايج روحه طافرة لبيت حمزة ابو الفلافل
يابة شنو الفلم محد يدري
طلع الاخ لاعب طوبة بالمدرسة ومكسر جام المدرسة كله والمدير طافر مدري وين والطلاب والكادر التدريسي خاتلين بالملجأ جوة الكاع بالمدرسة والمنطقة اللي بيها المدرسة داخلين انذار درجة اولى عبالك المالكي جايهم
طلع الاخ لاعب بتك حذاء علمود يضرب دبل بالطوبة فواحد من اللوتية اللي بالمدرسة مأجر لوري وبايكين تك من حذاء حمودي
فرجع حمودي كامز للستار
فظلت ام حمودي كل يوم تخيط حذاء لحمودي وميرهم تخيط وميرهم ميرهام فارس هع هع
الى ان لكت بالسرداب مال بيتهم احذية للمرحوم ابوحمودي جابهن من ايران
وكعدت ترهم لحمودي افندي
بالمناسبة طبعا حمودي اصغر اخوانه حتى المرحوم جان يدلعه حمودي الزقج
يكلك فد يوم حمودي عطش شال البراد كله وكام يكربع بيه متصدكون باوعوا
ومرة حمودي امه كالتله تعال يمه بدللنا الكلوب مال الثريا
اجى الاخ شعل ابو الثريا عباله لايت يدوي
العصر ام حمودي تريد تطلع وية صديقاتها للكوفي شوف يلعبون فيشة وورق فحمودي جلّب
:ماما ماما اريد اروح وياج عفية اخاف
فكلتله: لا حبيبي ابقى بالبيت مراح اتأخر هسه شوي واجي
انت ظل بالبيت باوع توم اند جيري اليوم الحلقة الاخيرة
حمودي: صدك ماما؟اليوم الحلقة الاخيرة؟لعد اوكي راح ابقى بس لاتنسين جيبيلي سريلاك وعشر كيلوات دهن حر علمود ادهن بيهن معدتي كبل ما انام
انوب كبل متطلع امه بدّل عليها وكاللها مو مشكلة باجر يعيدون الحلقة الاخيرة مال توم اند جيري الا اروح وياج لو توديني لبيت خالتي ام رزاق
فأم حمودي ماطولت وياه جابت الحبل مال الستلايت وربطته يم الباب وكلتله ظل اهنا ابن الزفرة
وتعيشون عيشة سعيدة
تمت
اخراج سوسوالانبار