لتفكر تجي واتعود وانساني .....

انت اجمل قصيدة انخطت ابــاوزان ...... وبكل القوافي اسمك بســــــاتيني

يا اجمل لحن موجود الي وعنـــوان ..... ليش ابلحظة تنكر كل رياحينـــي

مو اني الزرعتك وردة وابستـــــان ..... عمري انه ورويتك من دمع عيني

حريمة يروح كلة بلحظة هـــذا وياك ..... وياوسفة بسبب طيش وتجــافينـي

ادري انة ترد والندم يســــعر بيك ..... بس كلبي رماك ولا تحـــاجينـــــي

رسمت اشكال الك والوان كل الليل ... كضيت وياك احلى ايامي وسنينـي

روح ارتاح لتفكر حبيبـــــي اتعود ..... لان كلبـــي رميتة اشلون يجوينـي

واليوم اوديلك لحن ..... بيه اسمع انت وامتعن

شوف الزمن ...... غدر ومحن

ودموع تسجب دمعات

حب ونغم ..... بيه انسجم

الام بيها الصرخات

تدري اصفن ..... واشحصلن

بس هظم نوح ولوعات

مدري شجرة ..... وبية افترة

ومعشوكي مو حي لا مات

مات الفكر ..... بيه الغدر

والسبب وضح كلمات

كال السبب ..... موش العتب

صدكني هاي النشوات

وين العشك ..... وين الصدك

بس جذب شفتة وحسرات

منك بعد ..... ماضل وعد

ووعودك انت الجذبات

شنهو الذنب ..... غيري وتحب

متكلي ليش اللجمات

حبك عطر ..... جان وثمر

واتحركة انت ابسمات

نارك سرت .... حيل افترت

لهمومي صارت حطبات

ليش اصدر ..... مني اشبذر

واتروح عني ابلحظات

ماقصرت ..... دم انزفت

وعيوني صارت رايات

لجلك عشت .... بعدك متت

والضحكة عندك وجنات

تدري العمر ..... بعدك يمر

بخيوط حزن الكلفات

وردة وذبل ..... بيها الامل

ونداها صار الجمرات

روح ابتعد ..... وادري ترد

ماتلكة مثلي هيهات

و انة اختفي ..... وانت اكتفي

واتشوف شنهو الونات

*********************

حاير يا كلب كلي وش البيك

يكاس العمر ما ضلت وشل بيك

نكل همة الزمن عندك وشال بيك

وينفي افراحك انت بلا رجية

*********************

يالتسال علي واتكول شل بيك

لون البية بيك يصير شل بيك

زمانك ما اضن فد يوم شال بيك

لون شل بيك ماكت انة اشبية

*********************

بقلم الشاعر foraten.net/?foraten.net/?foraten.net/?foraten.net/? رفيش

[ام علاوي]

انت اجمل قصيدة انخطت ابــاوزان ...... وبكل القوافي اسمك بســــــاتيني
يا اجمل لحن موجود الي وعنـــوان ..... ليش ابلحظة تنكر كل رياحينـــي
مو اني الزرعتك وردة وابستـــــان ..... عمري انه ورويتك من دمع عيني
حريمة يروح كلة بلحظة هـــذا وياك ..... وياوسفة بسبب طيش وتجــافينـي
ادري انة ترد والندم يســــعر بيك ..... بس كلبي رماك ولا تحـــاجينـــــي
رسمت اشكال الك والوان كل الليل ... كضيت وياك احلى ايامي وسنينـي
روح ارتاح لتفكر حبيبـــــي اتعود ..... لان كلبـــي رميتة اشلون يجوينـي
...............................
الله عليك ياشاعرنا المبدع
كلمات حب ممزوجه بالالم وغدر الحبيب الذي يترك في القلب ندبة يصعب محوها
اخي الغالي استمر بالله عليك فلعذوبة كلماتك مذاق خاص
تقبل مروري مع باقة معطره من النرجس

جائنا الابداع من قبلكم وشكرا للكلمات العذبة والمشجعة .....ولكي مني ارق التحية والاحترام .........

[ام فيصل]

عاشت ايدك عزيزي
على هذه القصيدة والكلمات الجميلة
احساس رائع
واختيار مميز
كل الشكر لك ولهذا العطاء
مع خالص تحياتي

شكرا لارق مرور واطيب عطر تواجد في صفحتي لكم مني اطيب التحايا والتقدير .
القلب الاسير