وداعت الله....زهير العقابي
سافرت مره ويه روحي
بلايه جنطه ولا هويه
سافرت وبراسي فكره
رحت ادور وين هيه
عصبت راسي بهمومي
وشايل دموعي بديه
بالجزائر رحت ادور
وين الكه اجمل ابنيه
وين ام حلو المعاني
الجانت اتدور عليه
جيت شايل بيدي روحي
وحامل كليبي هديه
وطكها حرالشرجي نفسي
الماصفت تحمل خطيه
ودوريت ودوريت ومالكيت
وذابت ابدربي المسيه
وتهت بين اسكت ودور
وبين بس اسمع اغنيه
يا نبعت الريحان
حني على الولهان
ياغنيه شمال الحانج جفت
وغنوة التانيتكم يمي بجت
بيه غربه تكود بيدي
وبيها روحي تغربت
دورت وعيوني شافت
بس مثلها ما شفت
هيه جلمات الطفوله الما املها
وكل برائتها بكلبها تلملمت
وين يابصره يسياب الشعر
وين هيه وبحضن ياهو غفت
هي اول ايد حسيت بدفوها
تكود بيه تاتي تواتي ومشت
انت صح تشوفها بزي النساء
لجن ازغر من طفل يوم البجت
تخنك بعبرتها لو خزرته عين
ومن خجلها اخدودها الحلوه طفت
المهم كوه وصلت للعدها نور
ضحكة ظلت بين شفتها تدور
قبلت ايد العراق ابين اديها
وحظنت تاريخ محفور بسطور
والرساله الجانت معنونه الها
وصلتها والسفر بيها يفور
وداعت الله يالعزيزه مودعيج
وماشي الدنيا الورد بيها جسور
وللامانه الف شكر للثناء
وهاي دنيه بكل بشر ربج تدور
بين الكم والنوع وصراعات الابداع
ارسلت لكي عزيزتي كما وبلا نوع
فمن اين لمسكين مثلي ان يتاجر بالانواع
ولانها كم...
ساقول كم كنت اتمنى ان اراك بحثت وبحثت
حتى ايقنت ان لاكم لي ولا نوع
بقلمي
زهير العقابي
11\7\2010
رد مع اقتباس
رد: وداعت الله....زهير العقابي
