شيطان الجدار
الوكت !! ماخله اختيار
بين جنه !! وبين نار
عندي ليل بلا نهار
والنهار بلايه ليل
حطني تحت الاختبار
هاي جنه وبيهه ناس اتصلي لله
وهاي نار
بيهه من يهوه الشياطين الزغار
تريد جنه ؟؟؟؟ أخذ نار
تريدنار ؟؟ اخذ نار
تريد ليل ؟؟؟ اخذ نار
والنهار ؟؟؟
هوه اصلا طبعه نار
ضاكت الدنيه عليه وضاع من عيني المسار
اووين ماوجهي أديره ؟؟
الكه شيطاني جدار
اووين ماذب الجدم ؟؟؟
تحته جمرات وشرار
قررت احجي الحقيقه !!
والحقيقه بلا كلام ولا حوار
وقررت آخذ بطوله ابمسرحيتي
وتجتمع بيهه الافكار !!!
فكر يحجي اعله البطوله
وفكر حل بيه الدمار !!
وفكر يتغنه ابحلاة الانتصار
وفكر مل من الدوار
تكونت عندي قضيه للشياطين الزغار !!
(( مايكو )) مثل باقتدار
رسم جنه ورسم نار
وخطط بايده الطويله للشياطين الشعار
وكبل لايبدي الحوار ؟؟؟
تقدمت بالاعتذار !!!
وقررت الغي فصول المسرحيه
واسدل اعليهه الستار
وارجع اللعبة النار
تريد جنه ؟؟؟ اخذنار
تريد نار؟؟ اخذ نار !!!؟
الوكت ... ماخله اختيار !!
*****رمزية بقلمي *****