مجموعة زهيريات

[غفران الحزين]

گلبي الگبل مايون بجفاك وننته
وضنيتك انته الفرح ثاريك ونه انته
مامش طيوفك واباري ابشوگ ون انته
ماخوذ مني وخيالك ابد مالحظه
ورسمك يزين النبا مبعد علي لحظه
مشتاگ اشوفك ولو مشوار لو لحظه
وين انته روحي دنت عالموت وين انته

*******************************
يـمـة شـحـلاته التـرف طـوله البهـي من يـمر
شـايب واصـيـرن طفـل بس خـله ينهي و يـمر
اوصـلـه مو بــس زحــف لو دربـه نـار و يـمر
وأمشـيـله حـافـي الجـدم وأنـزل ابـوس ارضـه
خــلنـي اصــيـرن دمـع وبـعـيـنـه انـــه ارضـه
حـالي على بـعـده شـتظن حايـط سكن بـ ارضه
تـاكــل بـكـلـبي الصـبـر بـطـعـم الـعـسل اه يـمر
***********************************
احنه كتــلنه القهر وانــــتو النده بلــــكم
نكضي النهار ببــــجي والليل ندب الكم
بشوق ونجيكم ركض مايوم ندبي الكم
وقلبك ولا عاد مــــــــــره بشوق مالنه
ومن كـــــد سهرنه ليالي الســــهر ملنه
وانجان صرتو نصيب الغير مو لنـــه
تظل بدلـــــيلي لحد الموت ندبة الــكم
**************************
تخزرني خزرة غضب وترفع علي حاجبك
بالله ارد اسألك منهو العلي حاجبك
وياك انزف وفه مو طمع أو حاجة بك
وصدگني آني اعتبر حبك الية ملك
تلعب عليه لعب ما يوم گلبك ملك
انته بجمالك صرت فوگ الخلايگ ملك
وما دام صرت الملك خليني الك حاجبك
****************************

راح وكسر خاطري ولملم طيوفه وشال
ونهر المحبه نشف ظلت جروفه وشال
الزمن ما عافني رد عالكفوف وشل
ما عفت حبك انا گلبي على گلبك ظل
عالهجر شو تعتني عالوصل دومك ظل
بچتافي اغطي الشمس بالصيف اصيرن ظل
لو مر عليك الشتا لفني على صدرك شال

********************************

كل المصايب جرت تدري تره من هلك
شعلو شموع الفرح لهذ الكلب من هلك
والروح لمن هدت هذا الكلب منه لك
انته بهموم الوكت لازم تخف وتهد
بالك حبيبك ولك احذر تعوفه و تهد
لاتهدم اللي انبنه بيني وبينك تهد
بس انته باقي عسل صافي تره منهلك
*****************************************

حسبوك صاحب علي وانته اطلعت شو كلك
واحسبت انته ورد لكن ورد شوك لك
ولذاك انته ملت كلي شنو اشوكلك
لان النصح مافاد وانته ابد منتصح
احسبني انه خطا وانت خطا منته صح
صحت بهذه الوكت وبهذه الوكت منتصح
هذه الكلب من يحب لابد يحن شوك الك

اخي العزيز لا تحرمنه من هذا الابداع لان والله جميل الى درجه ما تتوقعها
لا تترك الرجاء الاستمراريه الله يخليك

[ابو علي الصكر]

شنو اتريد ارد عليك بيا شعر ابيا زهيري ابيا دارمي 000

ماشاء الله كلهن انجمعن سوه0000
يا صبح من بدلك ليل وصرت حالك
ويا واشي ياهو العلي دزك وحالك
ياجسمي حيلك تهدم من هدم حالك
يا كلب يمته تفز من سكرتك والراح
جاوين كلي الذي بحالك رحم والراح
لو تترك وتستريح من الاجه والراح
لو تحمل اشما جره وتستر على حالك
0000000000000000000000000000000000
تقبل مروري بعد روحي