ـــــوضة المكيـــــــاج البدوي
الماركات المستخدمة
الأساس والباودر وقلم الحواجب بودي شوب
الأظلال من بافيرا
الماسكارا والايلاينر من لانكوم
او
الماكياج المخملي ماركة كلاسيك او تراي مي
الاساس من ماكس فاكتور وقلم الحواجب من نيفيا او بودي شوب
الماسكرا من فلورمار او مايبيلين والايلاينر من ماركة لوريل او مكياجي
على حسب ماستخدمته وطلع بنفس النتيجة
عقب مانجهز الوجه بالفاونديشن ونثبت الفاونديشن بالبودره المضغوطة
نحط الكونسيلر من فوق وتحت العين وندمجه بالصبع او الاسفنجه والاثنين يعطون نفس
النتجيه ....نحط الاضاءة البيج او اللون الابيض تحت الحاجب ونوزعها بالفرشاة
بعدين على عظمة الجفن نحط اللون الوردي ونوزعه مثل ما مبين في الصورة
((ممكن نغير الالوان بدل الوردي يكون بني فاتح او تركواز او رصاصي))
بعدين ناخذ فرشاة مبلله بشوي ماي وناخذ اللون الاسود الغامق ونحطة على الجفن
المتحرك بهذي الطريقه ونمده شوي لي برا
الحين ندمج وهذي خطوة مهمه لازم ندمج اللون الفاتح على الغامق ولا
بيتخترب المكياج وندمج بالفرش الخاصة بالدمج
طبعا ندمج بهذي الطريقه عشان اتداخل الالوان مع بعضها بشكل حلو ومرتب
مثل ما مبين في الصورة
الحين نرسم الايلاينر السائل من فوق العين بشكل عريض
ومن تحت العين بهذي الطريقه وبعدين نحط الكحل القلم
داخل العين
((نقدر نستبدل الكحل السائل بالكحل الكيك او الستيك
بس في الصيف يفضل استخدام الكحل السائل العادي
لان الكحل الستيك ايسيح اما الكحل الكيك عادي يكون استخدامه))
الحين نرسم الحواجب ونحط الماسكرا
في خطوة نقدر نضيفها حسب الرغبه ((نحط لمعه على اللون الاسود وتكون رصاصيه
مثل ما مبين في الصور او نحط لمعه تحت الحواجب بشكل خفيف تضفي لمسه حلوة))
او
نقدر انغير في الماكياج شوي ويصير بهذي الشكل
((نخفي جزء من الحواجب ابعجينه الحواجب او الواكس))
اتمنى يعجبكــــم يالغلا مانقلت لعيونكم,,,,,
رد مع اقتباس
