ســور النجف
روح اسأل علينة وشوف احنه منين
حاظرنة الحسين وعلي ماظينــــه
لاتحجي علينه وربعك يشجعوك
ترة القبلك حجة ماكدر يلغينه
وسور البلنجف صدكني مو طابوك
سطرنا جثث من جيش اعادينه
----
ولدك ياعلي ما دنكو هامات
مناير بالصحن واحدنه تلكينه
احنة اهل الكرم والشاهد الزوار
نقدم ارواحنه لو ضيف يلفينه
احنه اهل المواكب وكفتنلنه عقول
وما فرغت ابد صدك صوانينة
وذا البعثية تمنع هل مواكب هاي
بيام المنع ماكدرو علينه
------
روح اسأل علينه واسأل التاريخ
وسل رمح العوالي عن معالينا
بيضٌ موكبنا سودٌ تعازينا
خضرٌ بيارغنا حمرٌ قوافينا
لما سعينا فما رقت سواعدنا
وستشهد الزوار هل خاب الرجا فينا
------
مواكب للطم للطبخ للزنجيل
وآلآف الشعائر احنة سوينه
وذا رايد اسامي هواي عدنة اسماء
روح لكربلة وهناك تلكينه
طب انت لحبيب وسألة عالاسماء
على غلاف السجل مطبوعة اسامينه
من كلمات الشاعر حسين الخالدي
رد مع اقتباس
رد: ســور النجف
