اشلون انسة ؟؟؟؟؟؟؟
وآنه أشتم نسـايمْ شـوكَ من غرسـه
درٌسني المحبـٌه وماخلَص درسه
وسرتْ بينه ولاننشد!! يمته إنوكـٌد المرسى
إبحبس وشمحلـَه السجـــٌانْ
من يدخل علي خلسه
من يقفل عليـٌه الباب ويجتفني إبوسط حبســه
بالبريسـَم يعذبني ويرفسني وأصيحن آه
وموش الالم موجعني
ولا نـَشــٌاد للرفســه
موجعني رفيف جفوفه الملسه
يوِنسه المابعدها إعله المحب ونسه
ويهددني إبدرس ويكَـول ماتنساه
وانا بغيره فلا ارضه الن مايجينه استادي بنفسه
وافرع واندعي لربي
يجيبه اليوم ويحرسه
يردني لالف باء الحب
خافن من تمر بيهالسنين انسى
نذر لاتنطرك محبوس وخلافك ولاهمسه
وأظـل تلميـذ إلـَكْ ياهيــه
هايم ينتظر درســه
للشاعر عبدالهادي المناع
رد مع اقتباس
رد: اشلون انسة ؟؟؟؟؟؟؟
