اصل الكرم

[عادل المنصوري]

هذه القصيده لخالي الشاعر المرحوم سامي شياع المنصوري لم تنشر او تقرأ وهذا اول نشر لها على منتدى الفرات
كرم حاتم صفه تاريخ
لضيوفه ذبح نوكه
وابن هذال ومضيفه
ودلاله وكهوه مدكوكة
وهاسي المجتبى المعروف
من حط الذهب فوكه
ويا مجد الحسين الدوم نفخر بيه
والزينات وي دمه اللي بعروكه
الكرم اول صفة بشيمة المعصومين
وهوايه صفات انعرضت بسوكة
ومثل ما يعتمد بنيانه اعلل ساس
والخيمة تريد اوتاد مدكوكة
الكرم لوما المراجل ما صبح تاريخ
واهو شيمة شجاع اسيوفه ممشوكة
عشك بين الكرم والسيف
والينطي ابد ما ضاعت احكوكه
جبل كلما عله اعلل كاع
يحدر فيض دهله تغرفة وتضوكه
نخلنه العالي والمزيون
تشمخ هامته وتدلي اعثوكه
اهو هذا الحسين المابخل بالروح
ياشوك الشرف والغانمة شوكه

مثل نور النجوم بظلمة الدنيه
لمع اسم الحسين ابمجد امتنه
ومثل شيال نص اليسند الاركان
ايظل اسم الحسين ايشيل خيمتنه
خالد كل سنة بهل يوم نفخر بيك
يادم الحسين الصرت حنتنه
وسامك عالصدر علكته وافخر بيه
واسمك بالكلوب اتخطه ريشتنه
يا كبة الطف ويا مزار احرار
كبل عمرة الكعبة انشدله عمرتنه
يظل اسمك عزيمه ودمك الفانوص
يضوي دروبنه وبي تعله همتنه
يظل امضيفنه والدله والفنجان
الك مديون والعمه اويه صايتنه
ويظل شاطي الشلب باسمك يسولف دوم
يالرويت بالدم ذيج طينتنه
نعمر نبني نزرع تدرس الطلاب
من طحت اوي صحبك بيكم انهضنه
عاش الجاد بالدم لجل يبقى الدين
والدنيه انحنتله وكربت منه
نعم احياء عدنه بكل سنه وكل عام
وحدر صيوان اسمك تحله لمتنه
وعلى منبر اليذكر اسمك محوطين
باهل الكرم يبدي وبيه ختمتنه
باهل الكرم يبدي وبيه ختمتنه

[السومري71]

الله الله عليك اخي المبدع عادل المنصوري
صح لسانك وسلمت اناملك
وعظم الله لك الأجر

[عادل المنصوري]

تسلم اخي العزيز السومري وجعلنا واياك من خدام الحسين ورحم الله خالي سامي شياع المنصوري كاتب هذه القصيده

[ام فيصل]

يظل امضيفنه والدله والفنجان
الك مديون والعمه اويه صايتنه
ويظل شاطي الشلب باسمك يسولف دوم
يالرويت بالدم ذيج طينتنه
نعمر نبني نزرع تدرس الطلاب
من طحت اوي صحبك بيكم انهضنه
عاش الجاد بالدم لجل يبقى الدين
والدنيه انحنتله وكربت منه
نعم احياء عدنه بكل سنه وكل عام
وحدر صيوان اسمك تحله لمتنه
وعلى منبر اليذكر اسمك محوطين
بهل الكرم يبدي وبيه ختمتنه
بهل الكرم يبدي وبيه ختمتنه


والنعم من الأجواد
صح لسانك ولسان الشاعر سامي المنصوري رحمه الله
اختيار مميز وكلمات معبرة
دام لنا عطاك عزيزي
واتمنى منك الإلتزام بنشر موضوع واحد باليوم بكل قسم من اقسام الأدبي عزيزي
لتاخد قصائدك وقصائد اخوانك حقها من ردود الأعضاء

ودمت رافدا لاينضب

[عادل المنصوري]

شكراً جزيلا للاخت ام فيصل وجزاك الله الف خير واسف على عدم الانتباه لتتابع النشر لان القصيده الاولى نشرتها البارحه الساعة الثانيه بعد منتصف الليل اما هذه فاليوم بعد العشاء فاعتذر لانه يعتبر يوم واحد وبعد ما يتكرر هذا السهو انشاء الله

[الشيخ ابوحيدر]

ايها الرائع اقف
حائراً بين حروفك لك
ولقلمك المميز كل الحب تحياتي
لهذه الرائعه التي سطرة
كن بخير يالغالي

[شاكر الهلالي]

يظل امضيفنه والدله والفنجان
الك مديون والعمه اويه صايتنه
-
والله والنعم منكم

ولنا الشرف ان نفتخر بأبطال واقعة الطف

وما قدموا من تضحيات للمذهب والعقيده

عموما الف شكر لك ولقلمك النازف بالولاء 0

[شوك الشفايف]

تشرف منتدى الفرات بهذا الشاعر المتمكن
لك كل الحب ايها الرائع شرف لي معرفتك وقراءة هذه الاسطورة الجميلة
ما اروع انتمائك لعائلة ادبية ..لك حبي..شوك