هلبت !!! ( بقلمي )

[علي الغنيمه]

هلبت !!!
هلبت بخت بينه ؟؟؟
وترد ليلينه
ونكحل اعيون الوكت
ويعود ماضينه !!!
ضاعت امانينه !!
وانختمن اسنين العمر
تالي العمر ذلينه !!
***
هلبت ترد دنيانه ؟؟
ويردنه من ودانه
ياباب ادكنه ويرد ؟؟؟
جثير ابواب دكينه !!!
ضاعت امانينه !!
وانختم كل تعب العمر
جف الاه يلوينه
***
هلبت تملنه الاه
والضاع لونلكاه
ويجيس حركتنه البرد
والباعنه ايشارينه !!
ضاعت امانينه !!
وانختم كل صبر العمر
نحصد ندم تالينه
***
هلبت تعود افراحنه !!
وينسمع ذاك اصياحنه
احلام ماتت بالفرج
مابين دهله وطينه
ضاعت امانينه !!
وانختمت ارياح الوكت
تاخذنه وتودينه
***
ماظل بخت بينه
ولاظنه ظلت بالوكت
يعدل موازينه
ضاعت امانينه !!
وانختم كل ضيم العمر
بيد الظلم ظلينه !!!
*** بقلمي ***

[سلام الدراجي]

قصيده تفعيله رائعه
يسلم يراعك ابو حسين
احسنت واجدت القصيده
تسلم ودوم الابداع
تحياتي

[الشايب العراقي]

هلبت ترد دنيانه ؟؟
ويردنه من ودانه
ياباب ادكنه ويرد ؟؟؟
جثير ابواب دكينه !!!
ضاعت امانينه !!
وانختم كل تعب العمر
جف الاه يلوينه


كلمات رائعه ومميزه
يسلمو الايادي لماخطت من اروع الكلمات

اتمنالكم التوفيق والابداع دائما

موفقين بإذن الله ... لكم مني أجمل تحية .

تقبلو مروري

[ام فيصل]

الله يبو حسين
صح لسانك
سطرت فابدعت
ونثرت احساسا يفيض عذوبة وجمال
لاحرمنا روعة قلمك
ودام لنا نبضك الحي

تحياتي وتقديري لشخصك

[علي الغنيمه]

قصيده تفعيله رائعه
يسلم يراعك ابو حسين
احسنت واجدت القصيده
تسلم ودوم الابداع
تحياتي

تسلمي يالغالي سلام الدراجي وعلى راسي بعد روحي تقبل امتناني واغلى تحياتي

[علي الغنيمه]

كلمات رائعه ومميزه
يسلمو الايادي لماخطت من اروع الكلمات

اتمنالكم التوفيق والابداع دائما

موفقين بإذن الله ... لكم مني أجمل تحية .

تقبلو مروري

صديقي الشايب العراقي اشكرك والك وحشه يالغالي دمت بكل الود تقبل تحياتي

[علي الغنيمه]

الله يبو حسين
صح لسانك
سطرت فابدعت
ونثرت احساسا يفيض عذوبة وجمال
لاحرمنا روعة قلمك
ودام لنا نبضك الحي

تحياتي وتقديري لشخصك

شكرا لك ام فيصل الغاليه مرورك العذب .. دمت بكل الود حماك الله تقبلي تحياتي

[حيدر القريشي]

ابو حسين
صح لسانك حبيب قلبي
قصيده غايه في الروعه والجمال
تحياتي الك والف تحيه لقلمك المميز
مع امنياتي لك بالمزيد من التالق