محاوره واسأله وعتاب مع دار الاحبه

[سجاد الرحال]

عمده ارد امـــر عالــداروافهـم نداهه
واسمعهه شنهي اتكَول عالفاركَاهه

عمده ارد امر عالدار واسمع حجيهه
مسدوده ليش البـــاب محــد يجيهه

عمده ارد امر عالدار ودموعي اصبهه
شكَد الهه عندي اعتاب بس مااطبهه

يادار انشدج جيت اهلج مشو وين
ومغلكَه البيبــات مــال الـــدواويــن

لسان حال الدار

تبجي وتكَول الدار كل اهلي غياب
من شالو او لليوم محد يــدكَ بــاب

ردت عليـــه الــــــدار ابحــــركَه كَالـــــت
ضلمه اصبحت من يوم كل اهلي شالت

يادار احزني وياي بالــج تفرحيـــن
عاش الحزن وياج من طكَج البيـن



جديدقلمي

[ام افنان]

عاشت ايدك ياسجاد واجاوبك اكلك
بالك تمر بالدار عنها اشمر ابعيد
دار العزيز يهواي نوح وبجي تريد
يكلة
عمدا لمر بالدار والنوح اريدة
واسمع صداها يكول راح التريدة
عمدا لمر بالدار وشبع مهضمة
وابجي بجي المفطوم ومفارك امة

تقبل مداخلتي واهدي لشخص عزيز وكل احبابي بالمنتدى

[كبريــاء رجـل]

اموت على كتاباتك ياغالي روعه روعه ياسجاد حياك الله وعاشت يمينك اخويه تحياتي الكـ

[سجاد الرحال]

شكراً لكِ اخت ام افنان شاكرمروركِ ومداخلتكِ الرائعه

[سجاد الرحال]

حبيب كَلبي الغالي اخ كبرياء
مروركَ يبعث البهجه الى قلبي
لكَ فائق احترامي وتقديري

صب دمعي على الكاع واحرك دغلها
والبصرة والعشار هيه ونخلها

وحدي بنص الليل بس حيرتي وياي
ابجي على وكت الراح واتنطر الجاي

محاورة روعة تحياتي لك ياراقي ياعراقي

[سجاد الرحال]

شكرا لك فاتن
على المداخله الرائعه
تحياتي