ياحكومتنا العراقيه ! عذركم اقبح من ذنب

[قرة العين]

بسم الله الرحمان الرحيم
السلام عليكم ورحمة الله وبركاته

اخواني واخواتي الي بالحكومه العراقيه
هاي الرساله الكم بالذات

انتوا تكَولون ان السعوديه وسوريا وفلول صدام والقاعده الها ايد بيها
وتكَولون هما الي فجروا الانفجارات في العراق ....
واحنا انكوللكم هذا عذر اقبح من ذنب !!
وسؤالنا الوحيد من قبل جميع الشعب العراقي هو:
وين الجهاز الامني العراقي المتين الذي لايخترق حسب كلام المالكي
وينه كَولونا بس وينه ؟؟؟؟؟

ليكون قصد المالكي جهاز الامني لمنطقة الخضراء الي تحميكم
وتحمي عوائلكم واولادكم ومصالحكم ؟؟؟؟؟؟؟؟؟

نصيحتي للحكومه العراقيه
ولوجه الله هو ان تستقيلون من مناصبكم
لانكم غير قادرين على حماية الشعب العراقي وغير قادرين على اعطاء حقوقهم
ولا قادرين على تلبية خدماتهم المعيشيه الي لحد الان
يفتقر الشعب العراقي صاحب الحضارات والامجاد والعلوم
الى ابسط شي وهو الماي والكهرباء والامان
والله رجعتونا الى الالاف السنيين
العالم يتقدم ويتطور وماشي ويه عصر السرعه
وانتوا يوم ورا يوم ترجعون العراق الى العصر الحجري
والله احنا تعبنا تعبنا تعبنا يزي عاد انتم متعبتم من هالوضع
و الي ايصير بالعراق لو عاجبكم الي كاعد ايصير بالشعب
وراضين عليه وعلى نفسكم وساكتين,, وين الذمه والغيره !!
يالحكومه احنا منريد نخسر اكثر شهداء وضحايا
وتحترق كَلوبنا كل يوم ومندري شيصير بينا
والله شكو علل بالدنيا راح اتصير بينا من وراءكم
تعوفنا الله يرحمكم ويرحم موتانا...
فأتمنى من كل شريف وغيور منكم على بلده أن يقف وقفه حاسمه
وان يستقيل من منصبه ويتبرء من العملاء والخونه ويترك مصالحه شويه
ويشوف على العراق اشكاعد ايصير بيه
حتى اتبينون النا نوايايكم الحسنه وحبكم لشعبكم وطنكم
لان كافي هدر دماء وقتل وتشريد وتهجير كل يوم بسببكم
وانتوا ولا انتوا تكَول اذن من طين واذن من عجين
والله لو دكينا على الحديد جان رن
بس انتم ابد متحسون الي كاعد يصير بالعراق
لانكم منطين الاذن الطرشه وهذا الكلام ميصرفكم
لان همكم الوحيد هو فلوس العراق ومصالحكم
ومال العراق والشعب حرام بجلدكم
اذا متخافون على انفسكم من غضب الله
على اقل خافوا على اولادكم واحفادكم
لان ياكلون من مال الشعب العراقي الجريح
وغضب الله شديد محد يكَدر يحمله
وترا الشعب بشر والله بشر ابيش نحلفكم حتى اتصدكون
مو بس انتم بشر حسوا عاد مو تعبنا منكم ومن ايديكم واعمالكم
والله لو انتوا مسوين شي للعراق جان منقهرنا منكم
بس الحق ينكَال ,حتى لو جانت الحقيقه مره عليكم
انتوا ما منكم فايده والي مالا خير لاهله وبلده مالا خير لنفسه.
وانتوا وضميركم حسبوها زين
وشوفوا افلام ضيم وخراب ودمار العراق زين
بلكت اتحسون وتراجعون قراراتكم من جديد
لان الشبعان ميحس بالجوعان
فروحوا شوفوا ضيم العراقين بعينكم المجرده مو من بعيد
من منطقة الخضره او من دوله ثانيه
قبل ربك مياخذ امانتكم من الدنيا
حتى اتلحكون اتوبون وترجعون لضميركم الحي
وتحسون بالشعب العراقي المسكين الي صابر ومتحمل
والله لو رمينا همومنا على الجبال جان متحملته وانفجرت.
صبرنا صار ازيد من صبر ايوب عليه السلام
وساكتين وحاطيين ادينا على الجرح بلكت يوكف نزيفه.

اللهم احفظ العراق وشعبه امين يارب العالمين


بقلم :قرة العين
التي تنزف الدموع والجراح كل يوم على العراق وشعبه المظلوم.


بسم الله الذي لآيضر مع أسمه شيء في الأرض ولآ في السمآء وهو السميع العليم , احفظ العراق من كل مكروه انك سميع مجيب الدعوات.

[سالم العارضي]

قرة العين شكرا وبارك الله فيك
على الكلمات الوجدانية الصادقة
وهذا طريق الوطنيين الاخيار الذين رفضوا
الذل والهوان وبكت عيونهم دما على العراق واهله
فعلى هذه النفوس نحن مراهنون..
وعلى هذه المبادئ نحن متمسكون.
وعلى هكذا نوايا شريفة طاهرة نحن نعقد الامل
ونتطلع الى غدا مشرق...
تشرق فيه شمس الحرية والكرامة من جديد
وتنطوي وتندثر فيه صفحة الخونة والمجرمين وتاريخهم
الملطخ بالدماء والى الابد بحول الله وقوته..
مع فائق الشكر
والتقدير

[وائل الطائي]

كلامج صحيح اختي العزيزه وبارك الله بيج على الموضوع الرائع

[قرة العين]

قرة العين شكرا وبارك الله فيك

على الكلمات الوجدانية الصادقة
وهذا طريق الوطنيين الاخيار الذين رفضوا
الذل والهوان وبكت عيونهم دما على العراق واهله
فعلى هذه النفوس نحن مراهنون..
وعلى هذه المبادئ نحن متمسكون.
وعلى هكذا نوايا شريفة طاهرة نحن نعقد الامل
ونتطلع الى غدا مشرق...
تشرق فيه شمس الحرية والكرامة من جديد
وتنطوي وتندثر فيه صفحة الخونة والمجرمين وتاريخهم
الملطخ بالدماء والى الابد بحول الله وقوته..
مع فائق الشكر

والتقدير

بوركت في حضورك الرائع
وسلمت يداك على هذه الاضافه الرائعه والقيمه
تسلم اخويه وبارك الله فيك
والله يرحم جميع شهداء العراق
دمت بحفظ الرحمان

[سامي المشكور]

المهم سياسيينا عملوا الانجازات الرائعه

حصلوا على جوازات سفر دبلوماسيه لهم ولعوائلهم

حصلوا على رواتب تقاعديه تفوف التخيلات

يتقاضون رواتب ممتازه جداااااااااااااااا

اراضي على نهر دجله

بالله عليكم لماذا نظلم حكومتنا

[قرة العين]

كلامج صحيح اختي العزيزه وبارك الله بيج على الموضوع الرائع

بارك الله في حضورك القيم
وتسلم اخويه والله يعطيك العافيه
فلك الشكر واصدق الدعاء
حماك الله من كل مكروه

[قرة العين]

المهم سياسيينا عملوا الانجازات الرائعه

حصلوا على جوازات سفر دبلوماسيه لهم ولعوائلهم

حصلوا على رواتب تقاعديه تفوف التخيلات

يتقاضون رواتب ممتازه جداااااااااااااااا

اراضي على نهر دجله

بالله عليكم لماذا نظلم حكومتنا

فعلاً يا اخي الكريم نحنُ الشعب دائماً
نطالب اكثر من حقنا لانه لايعجبنا العجب ولاصيام رجب
الله يساعد الحكومه العراقيه كاعده تتحملنا اكثر من طاقتهم
الاهم ان تنتبه الحكومه على مصالحها الشخصيه
فالشعب نستطيع ان نغيره او نهجره الى بلدان اخرى
ولكن الحكومه لانستطيع ان نحركها من مكانها
لان جذورها ثابته وراسخه ومزروعه على عرش العراق!!

تسلم اخويه ع المرور الطيب
والله يعطيك العافيه
فلك الشكر واصدق الدعاء
دمت بحفظ الرحمان

[الياسري]

بارككي الله اختي قرة العين لقد عبرتي عما يجول في خاطر العراقيين ولكن اتمنى من اختي ان تعي حجم الهجمة الشرسة التي تحاول النيل من الحكومة العراقي لاسباب طائفية وعرقية وخوف من التجربة الديمقراطية التي يمر بها العراق وانعكاسها على المنطقة


وكلامك كله صحيح بما يخص من يمثلون الشعب العراقي وطمعهم وجهلهم بابسط امور السياسة والامن
وخير دليل على كلامي هو الطريقة التي ناقش اعضاء البرلمان الملف الامني وطرحهم الى اسئلة تعرف المتلقي ببعدهم وعدم وعيهم للملف الامني ونلاحظ عندما تتاخر الجلسة لمناقشة المهم من الامور فان اغلب الاعضاء يغادرون القاعة

اتمنى من المواطن العراقي ان يقارن هؤلاء بمن سوف ينتخب ومن سوف يمثله في الانتخابات القادمة واتمنى ان يكون الخير قادم للعراق الجريح على مر العصور



ولكي جزيل الشكر والتقدير...