قصيدة حلوك القادة ...لسياب البصره عبد الحسين الحلفي

[ام علاوي]

بوطنه الامهات معصبات
و لابسات الحزن احله كلادة

و بوطنه الدمع شك خد الايتام
و الضحك شكك حلوك القادة

الحمد لله كلت من راح صدام
الحمد لله كلت بس عل سلامة

اشو ياهو التكضة صار صدام
و اكو صدام بس لابس عمامة

سفينة الوطن يمشي و دمنه نهران
و احله شراع اله ذراعان ادينه

و بالكرسي طلع مو خوش قبطان
مو بس هاي يضحك عل سفينة

درينه اهل الكراسي تحرس الناس
بس تبوك بيهم ما درينه

دوم ابن الفقير بجفن ملفوف
و ابنهم يكبر و بعده بحضينة

المثل ذولة اذا ماتوا حرامات
و جريمة يتم دفنهم يم علينه

عراقيين صرنه ملوحة للموت
و ما يُستلذ كلش اله بينه

و موت الله انلغة بهل بلد فد نوب
و عزراييل هم بدل علينه

يحلالي العتب يا وطن وياك
لإن بس الاحبهم عاتبتهم

و تدري شكد احبنك و اهواك
بكد ناسك الفقرة العذبتهم

بصغري كالوا اطلع تره يأذيك
و صدك اذيتني و ما صدكتهم

و حلموا بيه اكرهك يا وطن يوم
جي حلموا اكرهك كاومتهم

اهلي من طحت فزعولك ركاض
عثروا بيك تالي و طيحتهم

و وليت اهلي ذبح و جمالة اكلك
خو ما تعبوك من ذبحتهم

المو ولدك ارتاحوا يا وطن بيك
و ولدك على العالم طشرتهم

و لدك علكوك كلادة عل جيد
و انته عل المشانق علكتهم

اجه راس السنة و رادوا يشبكوك
اكطعت راس السنة و ما شابكتهم

بحروبك قدمولك احله الاعمار
من صار السلم ليش اعلستهم

و حركوا روحهم من كلت بردان
و دفيت و صاروا رماد و دستهم

انبتروا من كلت محتاج رجلين
من احتاجوا ايدك رجعتهم

من الزمت قلمك صاروا اوراق
و من كد ما تشخبط شككتهم

صارولك ورد ضنوك فلاح
ما تعرف تشم ليش اكطعتهم

........................
لسياب البصرة ومتنبي الشعر الشعبي
عبد الحسين الحلفي

[طيبة النجف]

الحمد لله كلت من راح صدام
الحمد لله كلت بس عل سلامة

اشو ياهو التكضة صار صدام
و اكو صدام بس لابس عمامة


كلهــــــه اتحنحنت والكل تريد تشيخ
وطـــن واصبح فريسة ينوله الاسرع
مو صدام واحـــــــــد لا الف صدام
يحلم برئاســـــة وبلحكـــم يطمـــــع


يسلم ذوقج اختي الغالية

ام علاوي

على هذه القصيدة الرائعة

للمبدع الشاعر عبد الحسين الحلفي

تقبلي مروري

[ام علاوي]

كلهــــــه اتحنحنت والكل تريد تشيخ
وطـــن واصبح فريسة ينوله الاسرع
مو صدام واحـــــــــد لا الف صدام
يحلم برئاســـــة وبلحكـــم يطمـــــع

..................
الله عليج ياطيبه
ومضه رائعه جدا
شكرا للمرور المشرق
نورتي الموضوع عزيزتي
ربي ماانحرم هالاشراقه الجميله
تحياتي لك اينما كنتي

[الشاعر ماجد الدعمي]

ام علاوي الغاليه
تحياتي لك ولاختياراتك الرائعه
لا اريد هنا ان اجاري المبدع الحلفي
احنه من يوم انولده معلمين
اعله الحزن والاه
والدم والدمع
احنه من يوم انولده وبينه صوت
شكثر صحنه
ولا جن ننسمع
احنه اه وحسره ودمعه الماتنام
ذوله احنه هكذا كسر بجمع
تقبلي هذياني

يسلمووووووووو على هذا الشعر الرائع

[ام علاوي]

ام علاوي الغاليه

تحياتي لك ولاختياراتك الرائعه
لا اريد هنا ان اجاري المبدع الحلفي
احنه من يوم انولده معلمين
اعله الحزن والاه
والدم والدمع
احنه من يوم انولده وبينه صوت
شكثر صحنه
ولا جن ننسمع
احنه اه وحسره ودمعه الماتنام
ذوله احنه هكذا كسر بجمع

تقبلي هذياني

ماجد الشاعر ... صاحب القلم الجريء والارتجالي
وهل استطيع ان ارد هذيانك الرائع ؟؟
فهذيانك وسام يستحق التعليق
وتخجل الحروف فتتوارى بخشوع امام روعة ما تخطه
دمت اخي ودام مدادك ونبض يراعك
كن بالقرب دائما
لك من الود ارق العبارات
ومن الورد اجمل الباقات

[ام علاوي]

بنت الحله الف شكر للحضور الجميل عزيزتي
لاتحرميني هذا النور
تحياتي غاليتي

[ابو سجاد العتابي]

رائعة بأحتيارك هذه القصيدة لسياب العراق
الشاعر عبدالحسن الحلفي
حفظكم الله جميعا