خوانه بصغــــــــــــــره
******************
ليش يا كلبي حبيت..
وحده خوانه بصغره..؟!
شكد غشيمه..
وما تعرف الوان واطباع المحبه
ليش ياعاذل تطش
اشواك للعاشك بدربه
ليش( يسرور) الحنينه وين وعدج
وين كلماتج بعدنه
كلمن يسير بطريقه..هاي اخر هالمحبه..؟!
ااااخ يادنيه هظيمه
سكم.. وعتاب ..ورسايل..
كله احركه بفادي
واحترك بعتوب دربه
وصرتي ليه رماد موكد وهجه جف
عكب مثل الماي جنتي
بكلبي البايت بحبه
وبطعم تنور خبزج
نبع جلمات الحنين
وبصواني من الخيانه
تقدميه ليه كبه
المجرم يتأنب الجرمه
والحرامي لشيه باكه
كلبي مشلوع بموده
منكم انتم شنهو ذنبه
وانه من عيني اجر
سواجي عل خدين سالت
والضمت دمعاتي خرزه
عل صدر تتهاده لبه
شنهو ذنبي يالحبيب
هذا مو وكت انتقام
كلمة بهدايه وطيب
يا درب تيهت دربه
ما كفاه اسهر ليالي
والكلب لوعات يسبي
ناشده بكعدة سمرنه
بالأأمه..بلكي يتهاده بربه
وماي هالمايصفه عدنه..شنهو علته؟!
يخبط وماهج يصير
يصفه بس انخلي شبه
من رمش عيني لخيط
جفافي من تدمعله دمعه
دموعي سالت حدر خدي
ولا جن رف الي هدبه
موّت بروحي الاماني
وحتى كلبي يريد اذبحه
هيجي راح اذبح فرحتي
وثوبي الاسود راح انزعه
ثوبي الاسود راح انزعه
**************
أحزان الامير كانت هنا