يخويه اعليك ضلع امي على كبرك تدليني

[عادل المنصوري]

يخويه اعليك ضلع امي
على كبرك تدليني
اجيت اتعثر بهدمي
اجيت ودمعي عاميني

يخويه شبت اخيامك
علينه وحركت الاطفال
هذا بطبرت البتار
وذاك بسحكت الخيال
يخويه اعليك ضلع امي
تجاوبني يخي بالحال
صد ليها بطرف للموت
كلها اهموم زدتيني

يخويه يالشهم عباس
يالكافل ضعون حسين
اشوف ايسارك المكطوع
ما ادري بيمينك وين
يخويه العمد طر راسك
ودم الجامد اعلل عين
حالن ما تباوعلي
ونويت هنا تخليني

اجتك زينب بعبره
وبواجي ونوح ما بسها
تشم نحرك شمر جاها
وفوك النحر يرفسها
يروعها بسياط الظيم
يوم الغاب حارسها
ماادري غصب برضاك
يمك ما تخليني

خليني اظللك
واردن ديني بهل اليوم
اشوف الشمس صهرتك
وجسمك ما عليه اهدوم
اظللك يابن امي
كبل لا تفزع النه الكوم
وجوه الخيل ايدوسونك
واشوف اليجري بعيني

[ام فيصل]

السلام عليك ياكعبة الاحزان

قصيدة رائعة وكلمات أخدتنا بلوعتها وجمال تصويرها

سلم المداد وهذه الروح الموالية

وجعلها الله في ميزان عملك

لك خالص تحياتي لك

[عادل المنصوري]

كل الشكر والتقدير الى الاخت الغاليه ام فيصل
آجرك الله بمصاب اب عبد الله

[الشيخ ابوحيدر]

اخي وحبيبي
عادل روعه ماخط قلمك
ونبض به قلبك الموالي للعتره
الطاهره تحياتي لك
محروزه لك عند العقيله
تحياتي

[عادل المنصوري]

يشفع لك الحسين انشاء الله ابو حيدر لك الشكر والتقدير
وعظم لك الاجر بمصاب ابي عبد الله الحسين عليه السلام